順興茶餐廳

Open Now

Now Closed

入面就坐得比較迫，背貼背咁。幫我地落單既呀姐服務態度都ok，不過當日2點幾去到，有d野都賣哂啦。想試既叉燒都賣哂，所以就叫左滑蛋蝦仁飯。🔴滑蛋蝦仁飯個賣相都好吸引，鮮黃色既炒蛋加d䓤花配上一粒粒既蝦仁。🔴牛肉牛腩咖哩魷魚撈腸粉簡左腩汁。落單時，雞翼賣哂，而咖哩魷魚同腸粉都係最後一份啦。咖哩魷魚食落好有口感，牛腩牛筋就一般。平時都係食配醬既腸粉，配熟食都係第一次，感覺幾新鮮。不過d腩汁味道就普通。🔴鮮油多士熱辣辣脆口多士配埋牛油。好邪惡！下次有機會試埋佢個滑蛋菠蘿油同滑蛋叉燒飯。