牛魔王清湯腩咖喱專門店 (Closed)

牛魔王清湯腩咖哩專門店鄰近元朗大棠道輕鐵站，位置方便，一落輕鐵行幾步就到。我見呢度既有咖哩食，又有牛腩食，一於試下。咖哩薯仔崩砂腩河粉原來分開上，同平時食開一碗過好唔同。因為湯分開關係，所用既咖哩係平時配飯果種，個人覺得冇咁好，咖哩過於濃稠，香料味唔太重，有啲似港式咖哩，加上河粉比較淡，變左咖哩汁撈河粉怪怪地口感。河粉薄既程度一般，唔太差，都可以算滑。最好食應該係崩砂腩，油脂分佈平均帶點爽口，份量中規中矩。