楚撚記大排檔 (日富里百好大廈)

Open Now

Now Closed

食港式大排檔小炒 又想坐得舒服 楚撚記係個好選擇🥢加上營業時間到凌晨 收工同朋友嚟聚一聚 食幾個小菜飲吓啤酒 都咪話唔爽😌ꕥ 菠蘿拔絲咕嚕肉 用上梅頭肉 肥肉相對地少 而且唔會有肉筋🐖肉質非常軟稔 纖維細緻 醬汁酸甜到啱啱好 職員教路將拔絲拆開再配肉一齊食 口感層次更加豐富ꕥ 西楚霸王雞半隻份量 兩個人食啱啱好🐓雞肉好嫩滑 亦唔會太肥 有薑蔥/炸蒜同特製醬油做調味 太惹味了吧! 係我近期食過最喜歡嘅雞肉菜式🎖️ꕥ 豆漿杞子鮮腐竹浸時蔬 食小炒點都要有碟菜 呢款外面比較少有🥬揀咗娃娃菜 用豆漿代替上湯 質感好滑 菜同腐竹索晒 清澈得嚟帶有豆香呢度有白飯/白粥 同楚撚豬油撈飯 一場嚟到一定要食呢個豬油撈飯🐷用砵仔裝住賣相有夠可愛 先倒豬油 再落豉油 味道好香濃 但又唔會覺得好油膩🤤建議大家去到一定要試吓