相見車仔麵館 (Closed)

呢間新開張幾個月嘅小店，用上綠白階磚嘅牆面，充滿住懷舊港式味道，幾特別！小店主打車仔麵同多款港式小食，好有港味，值得一訪！食客都唔少，而且價錢都幾抵食，除咗主食車仔麵之外，佢嘅港式小食都係特點之一，同朋友嚟high個tea都係唔錯嘅選擇！-——————————————🍜◖三餸車仔麵◗ $49可以自選三個餸同一款麵，今次揀咗咖喱牛柏葉、豬紅同柱侯牛腩（+$5），配腩汁粗麵，粗麵麵質爽彈，可以自己揀軟硬度，佢餸嘅份量都唔少。車仔麵會跟配一杯嘢飲，試咗一支樽仔豆漿，自家製甜度啱啱好，充滿豆香，下次可以試吓佢嘅樽仔奶茶～😋🥞◖豆奶雞蛋仔◗ $22佢嘅雞蛋仔好大底，外脆內軟，每粒都好飽滿，用咗豆奶去開個蛋漿，淡淡嘅豆味又唔會太甜，咬落好Q彈，幾特別！推薦可以試，攤凍咗少少食，口感少少韌，建議一上枱即刻食！🥚◖宇治金時雞蛋仔波波球◗ $28/6粒早排好興微笑雞蛋仔，呢個雞蛋仔波波都好特別，夾住抹茶紅豆餡，軟綿綿充滿蛋香，好食！🍢◖港式串燒◗ $36/三串可以散嗌，或者$36叫三串，今次一口氣叫咗六串，有龍蝦丸、芝士丸、牛筋丸、芝士腸波波、魚肉燒賣同雞腿肉，超豐富！個人覺得佢個芝士波波腸、燒賣同龍蝦