媽咪雞蛋仔

Open Now

Now Closed

抹茶黑糖麻糬雞蛋仔+奶茶紅豆個人認為尖沙咀海旁呢間應該係全港最靚既分店，望住呢個維港景涼住冷氣真心好舒服! 今日行過見到佢新出既口味就即刻試試。黑糖份量好多而且味道甘甜，唔會好似飲品咁甜到咩其他味都食唔到，加上抹茶既味道亦都好甘香，加埋一齊食好夾而且都唔會好濃味或者食完要飲水。可以食到傳統雞蛋仔既口感之餘又有新既口味配搭，即使係細細個食開都會覺得新鮮。最特別既係麻糬真係可以做到拉絲既效果!另外奶茶紅豆用咗港式奶茶既底味再加甜甜地既紅豆蓉，飲落有口感而且奶同埋茶既比例都剛剛好，唔使去茶餐廳都飲得到正宗港式奶茶!