振興肉丸

Open Now

Now Closed

最近一次打邊爐屋企人買咗呢間嘅肉丸，只係見到其中一個包裝有寫住，但係佢話俾我知係同一間買嘅，所以我哋就打邊爐嘅時候煮咗嚟食。估唔到原來呢間野都有OpenRice，覺得好好食想推薦，所以專登上嚟寫過食評。大埔振興川辣牛丸，芥末魚丸，三星蔥爆漿貢丸，同濃芝豆腐燒。包裝上寫明每款都係百分百果一款肉冇雜肉，冇防腐劑都冇人咁添加劑係健康嘅肉丸。咁呢款濃芝豆腐燒外表好似炸過嘅方形魚蛋，我落都己有咬口，中間嘅芝士豆腐唔係遠心，而係偏乾比較硬嗰種，食落幾舒服。就算唔係好食芝士嘅人都應該會鍾意。芥末魚丸我個人都幾鍾意，似係留心芝士丸，但入邊嘅留心係有少少似沙律醬嗰種質地，芥末味幾香，唔會太攻鼻。我自己本身唔係太鍾意食芥末或者Wasabi嗰啲嘢嘅，因為太攻鼻；但係呢款純粹係有芥末香但係唔會真係辣，所以我好鍾意。三星蔥醬爆貢丸係我最鍾意嘅一款，佢外層嗰個豬肉皮唔單止好有咬口好彈牙仲好有肉汁，咬開咗之後見到入邊好似有舊餃子嘅喊緊，就係三星葱碎加豬肉打埋一齊餡料。