紅島冰廳

Open Now

Now Closed

太太太懷念食茶記嘅感覺啦～ 同朋友喺旺角行街行到餓餓地就入咗呢間冰廳食晚飯！餐廳環境闊落，有上下兩層，裝潢簡潔，燈光光猛，感覺開揚，食物方面除咗有多款中菜料理亦有西式提供，款式多元化，老少咸宜，可以一試😎是日晚餐有兩款選擇，配飯/意粉/薯菜而且包埋餐湯（紅/白）、餐包同熱飲，會話性價比幾高～ 可惜餐包售罄，而方包出奇地軟熟，塗埋牛油後就更加邪惡😋 蒜蓉香煎鑊仔牛柳有四大塊，牛柳夠嫩，肉汁豐富、薯角香脆，調味適中，唔會過鹹，好有鐵板餐feel🤪燴白汁火腿雞皇就比較普遍，雞粒好多，白汁creamy、拌上意粉幾滋味，另外不得不讚呢度嘅意粉，軟硬度適中，濕潤度十足，就算未撈汁都食得到🤣 清炒時菜要咗菜心同生菜，前者爽脆，後者脆嫩，健康又好味道～另外見門口大排長龍買緊餐廳嘅包同撻，所以都叫咗個酥皮蛋撻試試係咪真係咁厲害👍🏻 外皮酥脆，咬落鬆化，蛋漿脹卜卜，色澤好靚，蛋香味突出，果然有料到，下次要早啲去試埋其他款式先得！