榕記車仔麵 (Closed)

今日同家人經過這間車仔麵店，我地見都好衛生同企理就入左去試下。店內裝修牆壁以水泥風及紅磚牆為主。掛上左單車作裝飾，仲有唔少店主旅行嘅相片。店員都戴上口罩同手套去工作都好衛生。唔似平時嘅車仔麵店👍🏻睇返餐牌，佢地除左車仔麵仲有唔少小食，不過最估唔到係有花膠鮑魚花菇可以食😆湯底仲有唔少特色湯底。下午茶時段仲有1蚊優惠。我地點左2個車仔麵同一個滋補拼盤。滋補拼盤有花膠鮑魚花菇，全部都係用鮑汁煮過，超好味😋份量仲係2人份👍🏻花膠勁大片，食落好香。第一個車仔麵叫左金蟲草野菌養生湯粗麵配豬大腸+手打牛丸，湯底飲落都好清熱，有紅蘿蔔🥕味。同埋真係好多蔬菜🥬。豬大腸係另上都幾入味。手打牛丸都彈牙。第二個車仔麵叫左海南胡椒豬肚湯米粉配豬軟骨+墨丸。湯底真係有胡椒味，奶白色，有豬肚絲😍豬軟骨食落超入味👍🏻墨魚丸係似炸過，都有墨魚粒係入面。套餐包左飲品，我地叫左豆漿😋都好好飲。