翠林辣蟹舫

講到食蟹，呢度既避風塘香炒蟹真係香港代表作，好多本地人甚至遊客都慕名而來。入嚟到以為全部”蟹貨”，其實佢地都仲有好多其他小菜出品。避風塘香辣蟹為左大家既儀式感，避風塘香辣蟹以紅色工架上枱，打咭味濃。大量金黃色炸蓉伴碟，香味出晒嚟。椒鹽與辣味剛好，惹味而不搶走蟹的鮮味。蟹蓋，蟹身，蟹腳除咗多肉，亦都滿有避風塘風味。真係試過先知點解會係鎮店之寶。食神炒飯將炒飯變成魚的外型，絕對唔簡單。有睇過《食神》都識「炒王」，呢個炒飯正正係因佢而得來。炒飯飯底用意大利野米混合日本珍珠米，加上海蝦、蜜糖豆、美國白蛋、蟹子等配菜，炒得夠鑊氣，亦充滿口感。黃金流沙蝦球雖然冇避風塘香辣蟹咁巨型，但流沙既澎湃程度不輸避風塘炒蟹。嫩滑蝦肉被香脆流沙包住，營造獨特的口感。怕熱氣？提供埋沙律作平衡。豬油渣炒椰菜花淨係炒椰菜花可能好單調，用豬油渣炸就多一份鹹香，又脆口。話梅涼瓜話梅既酸同涼瓜既苦，可以為炎炎夏日消暑解熱。