港 (Closed)

灣仔比人嘅感覺就係商業區，周圍都係連鎖食店，貴價唔好食但其實利東街嗰邊d後巷仔有好多有特色嘅小店，呢間港式酒吧就係一個例子，佢仲要係巷最入間舖仔，唔係有人介紹都真係唔會搵到。呢間酒吧舖面細細，位置唔多，但就顯得寧靜，同朋友黎飲野吹下水都唔會怕嘈呢到主打港式fusion菜，不過因為係酒吧嘅關係，小食居多，主菜嘅就都係比較濃味香口，可以送酒嘛～連儂薯條（$78）薯條係酒吧嘅必吃小食，章魚燒又係好受香港人歡迎嘅街頭小食，兩者夾埋就做成咗呢道連儂薯條！薯條新鮮即炸，香脆可口，而且條條都又長又完整，滋味好多！加咗章魚燒嘅汁同沙律醬就更加惹味一大碗薯條夠送幾枝啤酒啦！避風塘芝士蟹腸粉（$168）避風塘炒蟹好多人都中意食，呢隻味配腸粉就真係聞所未聞，但又出奇地夾啵咸咸香香嘅炸蒜就熟悉嘅口味，芝士汁有點膩但又係好吸引人嘅味道，大量嘅蟹肉帶出陣陣有鮮味，蟹籽又增添口感，本身無咩味嘅腸粉配埋以上所有野係前所未有嘅新感覺