中西∙環 (Closed)

平時我好少食自助餐，通常都係朋友話要去，或者有特別theme先會去。今次港島太平洋酒店以黑松露做主題，特意推出一系列加入黑松露同鮮果嘅風味菜式。夜晚6點幾去到，即刻俾個鹹蛋黃吸引左，哈哈好肚餓即刻同朋友掃視下有咩食先！除左基本嘅沙律、海鮮、冷盤、熱食等......仲有好多港式特色美食，甜品更是花多眼亂，連養生豆花同七彩雞蛋仔都有！飲下野解渴先，我同朋友揀左青瓜汁同青蘋果汁，兩者味道天然，入口清新，推介喔！跟住試下黑松露菜式，三文魚牛油果卷上面放左黑松露醬，香氣四溢，仲藏有軟滑牛油果醬。魚卷造型精緻，唔捨得食呢朵玫瑰花呀！魚肉嫩滑脂香，配南瓜汁幾清新。蝦球加左蜜瓜同芒果感覺清爽，好似婚宴嘅菜式咁。每人都有一客清潤中式燉湯，花膠、蟲草花等珍貴食材，飲完好滋補。仲有鮑魚扣鵝掌，燜到非常入味。食到差唔多，大家都轉戰甜品區！有拿破崙、木糠布甸、各款蛋糕等，每樣細細件可以試多幾款。估唔到有咁多港式懷舊甜品，例如砵仔糕、蛋散、連雞蛋仔都有最開心係食到豆腐花，係酒店自家製架。豆花入口滑溜，豆味濃郁，加上紅豆、薏米、紅棗、蓮子等配料，最後舀少少黑糖，食完好滿足七彩雞蛋仔有抹茶、草莓、朱古力、芝味火腿等口