中西∙環 (Closed)

雖然疫情仍未過去，但無阻香港人出去走走的意慾，近排kkday又有優惠，趁復活節假期同媽媽妹妹一家去港島太平洋食lunch buffet，對上一次已是上年近中秋節的時段……今次復活節紅日的buffet分兩輪，我哋選了第一輪11:30開始，因為係easter，應該有復活節主題食物，我見甜品有整左得意嘅雞仔樣macaroon……兔仔樣蛋糕……個黃色macaroon吾錯....刺身有三文魚、墨魚、希靈魚，冷盤有凍蝦、藍青口、青口、冷麵、煙三文魚，熱葷有叉燒、雞、老火湯、湯粉麵、薑醋等……雪糕係杯裝Hagazen，也有街頭小吃雞蛋仔，不過就吾係n年前的黑松露雞蛋仔....…以上幾樣嘢我都有試.....不錯不失啦....呢度lunch雖然吾係好多嘢食選擇，但二百幾（平時二百左右），長者仲有優惠都算係性價比高了，員工都好好服務及有禮貌，我地坐近窗口位，可以叫有少少海景睇到昂船州大橋.....

舊同事在<几年前>推介過這酒店的潮州自助晚餐,  當年佢話<好抵食!> .          剛好在酒店旅遊網上看到這個潮州自助晚餐的廣告~<網上預付有折> 很吸引.  於是提前在網上預付, 作為結婚紀念日.  我倆在6點左右到達酒店, 在甜品區附近就座後,  先去看看有什麼好東西.  地方不大, 但潮州主題的美食夠多夠特別.           涷冰冰海鮮       波士頓螫龍蝦,  長蟹腳, 青口, 蜆, 翡翠螺             長蟹腳    面對長長的蟹腳, 已經手法純熟地拆出蟹柳和蟹身的肉, 放在碗內, 可以大口大口的有儀態地享用.   只是海水味很足,,,, 即係鹹囉!!! 間接令客人多飲水.      涷蝦   取來一大碟的涷蝦, 一次過除去所有蝦殼, 再慢慢享用.  海蝦尚算鮮甜. 消滅了十多條蝦肉, 才算滿足.             波士頓螫龍蝦    自己唔想食波士頓龍蝦,  但茂利為我拆出蝦鉗.....就免為其難吞左佢...個人覺得 : 波士頓D鉗係没有味道, 而且肉質很韌....即是要多加咀嚼.... 

▶️成日自己一個人食野🤷🏻‍♂️，但係都會好痴線咁食自助餐、放題、火鍋。。。🤪今次係因為想食龍蝦🦞，佢呢排做緊星馬主題凍海鮮：龍蝦🦞、龍蝦鉗、蟹腳🦀、蝦🦐、螺🐚、青口、蜆🦪螺同蜆係最鮮甜同無乜沙，螺好爽口😍龍蝦竟然有龍蝦味同口感只係少少似擦膠，因為我試過係mxrxo pxlx食過又無味又成舊擦膠咁既龍蝦😖龍蝦鉗係最有龍蝦味🦞🦞其餘凍海鮮都ok啦，係蝦無乜味燒牛肉🥩、燒羊脾牛肉唔會好鞋，有牛味都唔錯；反而羊脾又鞋又無味；揀左黑椒汁，幾濃味，不過個人覺得鹹咗少少🥵星馬主題食物燒牛肉🥩、燒羊脾東牛肉幾好食👍，串燒既沙嗲汁甜甜地幾惹味；咖央多士🍞即燒，似搽咗糖漿嘅油多肉骨茶好重胡椒味，但係好似平時煲嘅豬肉湯；胡椒蝦🦐係完全唔入味甜品最好食應該係Häagen-Dazs🍨，有曲奇、朱古力🍫同雲呢拿；冬蔭功批幾特別，有淡嘅冬陰功味；檸檬芝士餅🥧有泰國嗰種香茅檸檬味🍋⚛️整體嚟講佢款式真係唔多，味道普普通通，呢個價錢可以一個人舒舒服服食三個鐘都算唔錯😆

今日金主請食自助餐話去位於西營盤B2出口附近，港島太平洋酒店一樓的「中西。環」餐廳🍴享用午市自助餐。呢間本人食過好多次，真係好抵食都係300蚊都吾洗同埋質素吾錯。雖然地方不大，但食物款式認真，加入香港懷舊元素，有即製漲卜卜雞蛋仔，香滑豆腐花，豬腳姜都有。海鮮都有三款，青口夠新鮮、大蝦爽口彈牙、蜆肉肉質飽滿，誠意之作。刺身方面有三文魚🍣、吞拿魚🐙、北寄貝質素中規中矩。熟食方面，種類吾算多，但當日有海南雞飯，補血養生豬腳姜，即食煮粉面，應有盡有。仲有西冷牛扒 🥩沙律方便又新鮮翠綠沙律菜，有冷面🍜甜品方面仲有佢最新出班蘭蛋糕，麵包布甸等各式各樣，整體不錯。仲有哈根達斯雪糕🍦，同巢雀雪糕🍦。服務方面，職員有禮，收碟勤快，仲提供濕紙巾🧻抹手。總結：環境寛敞 落地玻璃設計 坐擁維港景色食物質素不錯👍🏽

👉每星期嘅休息日，總希望慢活渡過。瞓到自然醒再嘆個 hea lunch，為每星期嘅奮鬥目標💪.☝️餐廳兩邊為落地玻璃，面向維港，光猛開揚，環境舒適，即時增加食慾😃.📌呢度並無供應什麼貴價食材，但都應🈶️儘🈶️：新鮮翠綠沙律菜🥗、魚生、壽司🍣、凍蝦🦐、青口、螺、燒西冷、豬腳薑醋、蒸魚🐟、即煮粉麵⋯📌中式老火湯、粟米忌廉湯都好足料夠味，略嫌唔係好夠熱，同職員反映，即時提高電爐温度～抵讚☝️配上微脆牛油餐包，簡直天作之🈴❗️📌即製雞蛋仔外脆內軟，粒粒飽🈵️漲卜卜，比街邊檔的偷工減料好太多了👏。香滑黃糖豆腐花熱辣辣，仲有小杯嘅雀巢、Haagen-Dazs雪糕👍❌唯獨負評嘅係芝麻糊，竟然係粉狀即冲嗰隻⋯真係唔好浪費quota! ❌👉經官網2天前預訂及付款可享6⃣️5⃣️折優惠，折後連加一，實付$216/人。👉職員🈶️禮，收碟勤快，坐🉐️舒適，連食客都好斯文，絕對🈶️下次✅

去唔到旅行, 用Asia miles 積分換西環港島太平洋酒店三位午市自助餐試吓, 搭地鐵出車廂行好遠先到, 建議巴士電車方便啲, 餐廳佈置正常, 賣點大海景, 天朗氣清ok la。食物選擇正常, 魚生有三文, 吞拿同鯛魚, 質素唔錯, 新鮮好味可encore；燒牛肉過咗火非常乾；熟海鮮得蝦蜆青口；蝦大隻鮮味, 蜆同樣出色但有小小沙,唯獨青口一般；反到熟食焗青口,蒸魚同海南雞飯唔錯, 又可以翻飛；炸物一般；自助沙律選擇正常, 食草嘅無乜好挑剔；無試豬腳薑, 最後用黑白(芝麻糊加豆腐花)收尾。整體質素一般, 會食得飽嘅, 唔會特登食多次除非有人請或價格十分吸引, 待應有禮；食物質素60/100, 服務質素70/100。

１月份朋友生日，因為之前登記了會員，最近又改了條款，生日可以有優惠可以買一送一，所以朋友就約我去吃自助餐了！想不到的是雖然是疫情期間，但還是有很多人來吃自助餐，約９成滿了！這次吃的是午餐自助餐，因為晚上禁堂吃，就沒辦法了！不過雖然是午餐，但食物種類還算可以的！海鮮有藍青口，蜆和海蝦，吃起來都不錯，挺新鮮的，其中海蝦不錯，蝦肉很彈牙！刺身方面，也有好幾款，我選了我喜歡的三文魚，吃起來挺嫩滑的，也有油香，而且還可以叫魚腩的部位！壽司捲物方面，我選了加州卷，吃起來也不錯，飯也挺鬆軟的！旁邊還有燒牛肉和豬肉，我只吃燒牛肉，選了一份比較生的，吃起來味道不錯，有牛味，不會太乾，但就有部份燒得太熟就會比較差，選自己喜歡的熟度吧！熱盤有薄餅，香腸，芝士薯仔，其中薄餅的料很足，而且還會拉絲，很推薦！其他熱盤還有蒸鯇魚，炒芥蘭，燒鴨胸等，蒸鯇魚味道不錯，魚肉挺嫩的！還有特色的海南雞飯，不過我覺得海南雞就有點煮過頭了，不是太嫩，而且沒有去骨，感覺差點，但油飯不錯，挺香的！甜品方面，有haagen dazs雪糕和雀巢可選，還有各式甜品蛋糕，麵包布丁味道不錯，焗得不錯。而且還有我很喜歡的豆腐花，旁邊還有芝麻糊，

酒店staycation包＄200消費券，午餐時於餐廳內叫了兩個套餐，一個蕃茄肉丸意粉，另一個馬來咖哩牛脷飯（包餐湯及飲品）。估不到味道不錯，咖哩不太辣有香味，牛脷份量也多，肉丸意粉蕃茄醬有很多香草味道很特別。兩個餐加一後只需＄204。

久未復出食過自助餐，要食就要番個突出鮮明嘅theme。 旅遊氣泡爆左，大家依舊不知幾時有得飛，係咁，如果俾左錢驗新冠肺炎測試又俾左錢買機票嘅人可能都要搵番下心靈慰藉，一於就食番個星馬泰自助餐吧。 呢到嘅星州珍味自助晚餐，其實一路係centre street kitchen做得好好嘅一個project ，至少，去過兩次，都值回票價，以三百多一個人的價錢，你可以食盡大部分的星州美食。 海南雞飯，絕對係得，之前朋友係天天海南雞飯，食到講哂粗口，誰估到自助餐都咁高質。Mr white, 我強烈建議你來試試。 叻沙相對簡單，溫和，而且不會太過辣，但你總是會吃到那個味叫你想起新加坡的熱帶氣息。 炒貴刁，少吃油膩的D小姐都讚到天上有地下無你就知道應該唔會太差，當然你唔可以想像好似係新加坡嘅food媽劇嗰種鑊氣，但香港來說，不錯了。 串燒一點也不差，食半打絕對係閒事，豬牛雞就你喜歡發辦。 炒蘿蔔糕和白胡椒蝦又點可以無佢哋嘅蹤影。 咖央多，當你看到嗰塊牛油嘅時候，你又點可以唔俾佢吸引到，加杯南洋咖啡，應該係最精彩嘅早餐。 除咗叻沙，仲有蝦湯麵，個人覺得叻沙出色

又到自助餐，又到自助餐，集合早起和食量挑戰的一天。朋友說她可以有方法利用即將到期的飛行里數換兩張自助餐優惠卷，就是如此，我們就開始這個西環一天遊之旅程。地點方面自從港島延線開通了之後，前往西營盤的時間較以往更快，更準確。從地鐵站一出後，已經到了酒店的正前方，地點加了一點分。食物方面食物方面，其實有很多選擇，凍食熱食皆有。凍食方面有青口、蜆、蝦、刺身、不同種類的魚刺身。凍食就建議大家不要吃太多，特別是海蝦，有著濃厚的海水味。其他蝦也一般般，但有著我朋友幫我施展女神剝蝦絕技，感覺上評分可提升了不少。熱食方面有，焗青口、海南雞飯、牛扒、豬扒、pizza、蒸魚、三絲炒面、鴨胸、菜。主要推介有牛扒和豬扒，但緊記記得跟廚子說要多一份。另外焗青口也不錯，可以試試，比凍食的好，應該是經過烹調後，海水味全失。最後是甜品系列，普遍甜品屬於中等水準，最有驚喜是有哈根大師雪糕。去片，我整整吃了七杯。日期：2020.11.22

疫情下不能去外地，飛行里數快要到期，不能換機票的情況下唯有換了兩張lunch buffet coupon，去不到旅行也要吃餐飽，所以來了這裡開餐，打算吃完再去逛逛西環貨櫃碼頭。12點來到, 餐廳在酒店大堂再上一層的位置，地方不大，座位與座位空間有點窄，取食物位置也與其他座位的距離很近，感覺有點迫夾。職員安排了我們一個柱位隔離，所以也看不到窗外風景。 食物選擇好像不太多，冷盤海鮮得3樣: 蝦、青口、蜆。蝦都幾新鮮幾甜，青口好多都沒有開口，很難開到，味道好重海水味，味道普通，不是太新鮮。蜆沒有沙，味道正常。冷盤另外有沙律（我沒有吃），火腿（味道正常），不知名魚（好腥）。還有3款刺身，除吞拿魚有筋和不太新鮮，另外三文魚和油甘魚都算新鮮好味。 餐湯：有兩款, 一中一西，忌廉湯（味道都ok,但沒有什麼材料）和青蘿蔔湯（味道較淡）。 熟食好像較多：焗青口（熟食之中最好食）、海南雞飯（雞都幾好食，還有3款醬口汁落，幾正宗）、牛扒（第一次切得好細塊好簿，另一師傅切先厚d, 味道合格，不太夠牛味）、豬扒（其實似火腿扒的質感，味道比牛好）、pizza（個底脆脆地，都幾好味）、煎魚（幾腥，味道麻麻）、茄子炒

自古以來中國人都愛喝茶 飲茶之風甚盛 假日飲茶 更可增進朋友或是家人之間既關係 因此現今不論男女老幼都十分喜愛有見及此 港島太平洋酒店<中西‧環>餐廳推出全新「潮茶菜館」自助晚餐 以芬芳馥郁既茶飲為基礎 配合潮洲獨特文化將茶飲加入食物中調味 令客人可以品嚐醇厚飲食文化 餐廳環境雅致寬敞 座位間不會太擠迫 空間感足 坐得舒服自在 另一邊可以觀賞到維港景致 盡覽迷人夜景 夜景配美食 絕對一流最近連外出用膳機會都大大減少 難得放縱一次當然要吃個夠 冰鎮海鮮依舊是自助餐必食首選 依然全晚不停refill如波士頓龍蝦、蟹腳、藍青口、翡翠螺、凍蝦同蜆供應量足 而且質量超高 爽口彈牙仲可以食到原始海鮮鮮甜味海鮮控又可以大飽口福吃個夠吃個飽飽日式刺身即叫即切 魚生新鮮肥美鮮甜 而且肉質細滑油潤除左刺身 也少不了壽司冷盤大量新鮮沙律菜、冷麵亦有提供 款式都不少龍井炒蝦仁是一道以茶入饌而聞名既菜式 將龍井茶與蝦仁一同下鍋翻炒蝦仁既鮮味配以龍井清香 兩者搭配沒有違和感 反而口感增添清爽 風味淡雅慢燒蝦醬美國豬肋骨用上潮州菜常用的蝦醬作調味 食落鹹香惹味一咬已經骨肉分離 肉質細軟嫩滑

呢間酒店所搞嘅自助晚餐，不知所謂，一入去餐廳，就好似入咗木人巷咁，條路又窄，枱又多。啲食物嘅品種又少，只得十零款，加上啲食物攞晒就唔會再補充，遲啲去就無嘢食，仲搞啲星加坡美食，見到啲款都唔想食。仲要花三百幾四百元去食啲垃圾，到外面打邊爐，用咁嘅價錢都不知幾豐富，認真唔值得再去。

以前喺呢邊返工，都會周圍搵好嘢食。記得之前食過呢間酒店嘅buffet dinner，印象唔錯，今晚同舊同事食飯，就揀咗過嚟回味一下。原來餐廳喺11月初開始做緊新加坡主題嘅自助餐，一系列地道新加坡美食包括：星洲海南雞飯、沙嗲串、肉骨茶、叻沙、胡椒蝦、炒貴刁、福建蝦湯麵⋯⋯ 我哋當中有個新加坡同事，佢食過之後，話呢度嘅食物質素好高，令佢食到家鄉嘅味道，全部口味都好正宗。呢個海南雞飯，雞上髀肉嫩香滑，油飯混合醬汁真係好惹味。呢個胡椒蝦絕對驚喜，粒粒黑胡椒爆鮮蝦，隻隻都好香脆入味，我連殼都吞埋。炒貴刁又係必食，唔會太油膩但好夠鑊氣。當然唔可以錯過呢碗椰香十足嘅叻沙，魚蛋同蝦都好彈牙。仲有呢個正宗新加坡沙律 —— 加多加多。當然唔少得一系列嘅海鮮同刺身選擇。另外，仲有經典星洲小食及甜品則包咖央多士、招牌班蘭蛋糕、雞蛋仔、冬陰功撻、香茅蛋糕、仲有嚤嚤渣渣。呢個新家坡主題會做到2021年2月，宜家網上預訂仲有七折優惠添！

星洲美食一向都是我的最愛，尤其是海南雞飯、肉骨茶、班蘭蛋糕、叻沙，前天就到了港島太平洋酒店<中西‧環>餐廳，試試這個「星洲珍味」自助晚餐，除冰鎮海鮮，冷及熱盤外，仲有好多款星洲美食，其中叻沙、海南雞飯、炒貴刁及班蘭蛋糕，一定要試，好好味。價錢成人$448，網上預訂最高可達7折，都幾抵食。嫩滑無比的海南雞飯，入口雞肉真是好嫩滑，應該是將雞浸熟再浸冰水，讓雞肉收縮變得嫩滑，吃時蘸點薑蓉、黑豉油及辣椒，好滋味。碳燒沙嗲串，就有雞、牛及雞可供選擇，經過慢烤的醃肉，加埋自家製的沙嗲醬，入口都算鮮嫩多汁，個沙嗲醬超正。足料的肉骨茶，大大肉骨，有點胡椒香，最合我鍾意有少少辣香，好好飲。香辣的叻沙湯底不算辣，麵質好爽口，配料有魚蛋、豆卜、鮮蝦，加埋芽菜的爽口，我都忍唔住再來一客，另福建蝦湯麵湯底清甜，也是不錯。冰鎮海鮮就有龍蝦、長腳蟹、鮮蝦及螺，任你食。充滿星州風味的咖央多士，都是必食。甜品必食班蘭蛋糕，一 掲開蓋就是樸鼻的班蘭香味，班蘭蛋糕鬆軟，朋友忍唔住食足三件。芝士蛋糕通常都是配檸檬或是朱古力，呢個加了香芧入口陣陣清香的香茅與芝士真是好夾。