老馮茶居 (荃灣千色匯II)

飲茶唔係一定要去茶樓~老馮茶居就係其中一個好選擇!裝修好有70-80年代情懷，入到去係有種穿梭時空咁~碗杯茶壺，連洗野個紅膠兜都一樣咁有Feel!點心種類都多，而且仲有啲創意野，例如見到有個新出品 - 麻辣豬手豬皮腸粉，腸粉份量多仲好滑嘟嘟!豬皮豬手好入味，唔會太辣但又好惹味🥰🥰 鮮蝦腐皮卷，超級脆卜卜，仲有大大隻蝦係入面~流沙芋泥包，搣開真係好流心~唔會好甜但好香芋頭味😚古法牛肉球，唔會好鬆泡泡，係懷舊味道!😛咖哩蒸魷魚，個咖哩汁超濃超正!! 必叫之選😍臘腸滑雞飯，臘腸味好香~雞件有雞味又嫩滑，配上蒸飯豉油十分出色😋最重要係性價比好高!叫左咁多點心都係人頭$100內~