Sleepyhead

Open Now

Now Closed

呢間位於灣仔嘅港式café 超特別呀!將傳統嘅港式茶餐廳風味完美融入cafe概念，加入唔少創意元素，將懷舊與時尚完美糅合～我最近就去試咗啲特色嘢吖！首先就係*黯然銷魂菠蘿叉燒包，自家製嘅麵包咬落鬆脆，配料有多汁入味嘅秘製叉燒、獨特嘅洋蔥醬同埋香脆嘅炒蔥，再加上香濃嘅炒蛋，整個組合實在係中西合璧嘅驚喜。另一款*蔥油雞佛卡夏，雞肉嫩滑多汁,配上鬆脆嘅佛卡夏麵包,加埋爽脆嘅青瓜同埋濃郁嘅蛋黃醬,層次感十足。最後必試邪惡*柑桔檸檬味法式西多士，金黃香脆嘅外皮，夾住秘製嘅柑桔檸檬醬再淋上蜜糖,一啖落肚就已經超級滿足。另外飲品都好特色，有氮氣泡沫嘅港式奶茶，茶味濃郁、奶味醇厚；仲有加入十二種東方香料嘅濃縮咖啡湯力，味道獨特醒神。