盛寅慢煮製麵 (Closed)

港日Crossover麵食真係第一聽，於是乎就過咗嚟觀塘試一試呢間麵檔。麵檔主打慢煮材料，有雞有牛有豬，雞肉款式多，有霸王雞、蔥油雞、椒麻雞、胡麻雞，今次就試咗霸王雞湯麵同椒麻雞拌麵。所有麵都有湯可以揀，有洋蔥大蒜雞白湯及大地魚蝦米湯。湯麵可以揀烏龍麵或者菠菜麵、拌麵就可以揀油蕎麥麵或者蒟蒻麵。雞肉仲可以揀雞胸肉或者雞腿肉。湯頭清純冇加味精，食開濃味可以自己再加調味料。店員建議拌麵可以加枱上面嘅柚子豉油一齊食，更加惹味。可以叫佢地個$69套餐，有三件炸物：無骨雞翼、雞皮餃子、蜂巢豆卜同埋飲品。大家去開呢頭都可以嚟支持吓呢一間小店。