Video
Read full review
2024-04-12
128 views
[ 郴州魚粉 ]香港主流食雲南及四川米線，中意食米線或者想試新嘢可以去旺角女人街呢間正宗湖南郴州米線。郴州(郴，讀音: 心)位於湖南省東南部，以魚粉聞名。呢間米線店用嘅湖南麵條🍜比平時食嘅米線幼身，粗度介乎米粉和米線之間，口感嫩滑彈牙，掛湯效果都不錯。湯底方面餐廳用新鮮鯇魚🐟熬湯，再係魚湯加入不同辣椒🌶️製作兩款米線湯底，湯底有BB辣、小辣至特辣7種辣度選擇。✿ 棲鳳渡魚粉 $55 🐟郴州傳統魚粉，將「五爪朝天紅辣椒」加入魚湯底，湯底偏紅色🥵，食得辣嘅朋友可以一試。✿ 招牌魚頭粉 $75 🐟另一款湯底係湖南泡椒魚湯，湯底呈奶白色，唔會煮出紅油，望落清淡其實唔惹小，湖南泡椒令到魚湯底香辣又嗆。配料有鯇魚魚頭及鯇魚魚腩，魚肉好鮮好嫩滑。✿ 三鮮粉 $55 🐷湯底同樣係湖南泡椒魚湯，但配料就由鯇魚改成豬肉、粉腸、豬潤及豬紅，份量都幾多。總結🫦 湖南正宗口味會偏辣🌶️🥵，BB辣對新手嚟講辣度啱啱好。旺角店做緊新開業優惠，叫任何款式粉麵免費🆓送炸雞蛋或飲品，而且免費加麵底。炸雞蛋🔥🥚表面香脆，內裡係流心蛋黃，食落相當香口。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿郴州魚粉地址：旺角通菜街2
香港主流食雲南及四川米線，中意食米線或者想試新嘢可以去旺角女人街呢間正宗湖南郴州米線。郴州(郴，讀音: 心)位於湖南省東南部，以魚粉聞名。
呢間米線店用嘅湖南麵條🍜比平時食嘅米線幼身，粗度介乎米粉和米線之間，口感嫩滑彈牙，掛湯效果都不錯。
湯底方面餐廳用新鮮鯇魚🐟熬湯，再係魚湯加入不同辣椒🌶️製作兩款米線湯底，湯底有BB辣、小辣至特辣7種辣度選擇。
✿ 棲鳳渡魚粉 $55 🐟
郴州傳統魚粉，將「五爪朝天紅辣椒」加入魚湯底，湯底偏紅色🥵，食得辣嘅朋友可以一試。
✿ 招牌魚頭粉 $75 🐟
另一款湯底係湖南泡椒魚湯，湯底呈奶白色，唔會煮出紅油，望落清淡其實唔惹小，湖南泡椒令到魚湯底香辣又嗆。配料有鯇魚魚頭及鯇魚魚腩，魚肉好鮮好嫩滑。
✿ 三鮮粉 $55 🐷
湯底同樣係湖南泡椒魚湯，但配料就由鯇魚改成豬肉、粉腸、豬潤及豬紅，份量都幾多。
總結🫦
湖南正宗口味會偏辣🌶️🥵，BB辣對新手嚟講辣度啱啱好。旺角店做緊新開業優惠，叫任何款式粉麵免費🆓送炸雞蛋或飲品，而且免費加麵底。炸雞蛋🔥🥚表面香脆，內裡係流心蛋黃，食落相當香口。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
郴州魚粉
地址：旺角通菜街2A-2P號鴻光大廈地下L號舖
電話：3482 8798
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
