Video
Read full review
2022-01-31
494 views
—————————————————————🍴美食資訊🍴干鍋肥腸（$98)令人意想唔到嘅係，居然個干鍋真係用個爐嚟上，上枱個陣仲煮緊😛保持住個熱度同埋愈煮愈入味。肥腸同其他配料比例差唔多，誠意之作又好食，小辣就惹味但冇咁刺激，鐘意辣嘅人可以叫中辣。麻辣蝦（$138)好香好好食！啲蝦炸到酥脆，基本上可以成隻蝦連殼一齊食👍蝦亦都好多，配搭嘅香料亦令味道更昇華，我覺得係必試👍農家小炒肉（$88)一個普通但係好好撈飯嘅餸🤣就係啲蔥，尖椒，腩肉一齊炒。雖然好油膩，而且尖椒本身就好辣，但係就好好送飯😋😋😋手撕包菜（$48)因為啲餸太油膩同埋好似好多肉咁😅所以叫個菜感覺健康少少😜炒得幾有鑊氣，但係就唔太酸，同埋感覺有啲水。————————————————————👑評分味道：4/5環境：3/5價錢：4/5份量：4/5服務：2.5/5會否推薦：會不論係個餐廳嘅格局，店員，餐具。所有嘢都好似返左大陸某啲農村菜館咁😂而且好大部分嘅食客都係一大班人，叫小菜隊酒咁。所以全場都好嘈。樓面店員連埋老闆娘3個人，基本上係忙到痴線，多人起上嚟，廚房個師傅都要煮完碟餸自己攞埋出嚟比客人😵💫亦因為咁，唔好大期望有咩服務，佢
—————————————————————
🍴美食資訊🍴
干鍋肥腸（$98)
令人意想唔到嘅係，居然個干鍋真係用個爐嚟上，上枱個陣仲煮緊😛保持住個熱度同埋愈煮愈入味。肥腸同其他配料比例差唔多，誠意之作又好食，小辣就惹味但冇咁刺激，鐘意辣嘅人可以叫中辣。
麻辣蝦（$138)
好香好好食！啲蝦炸到酥脆，基本上可以成隻蝦連殼一齊食👍蝦亦都好多，配搭嘅香料亦令味道更昇華，我覺得係必試👍
農家小炒肉（$88)
一個普通但係好好撈飯嘅餸🤣就係啲蔥，尖椒，腩肉一齊炒。雖然好油膩，而且尖椒本身就好辣，但係就好好送飯😋😋😋
手撕包菜（$48)
因為啲餸太油膩同埋好似好多肉咁😅所以叫個菜感覺健康少少😜炒得幾有鑊氣，但係就唔太酸，同埋感覺有啲水。
————————————————————
👑評分
味道：4/5
環境：3/5
價錢：4/5
份量：4/5
服務：2.5/5
會否推薦：會
不論係個餐廳嘅格局，店員，餐具。所有嘢都好似返左大陸某啲農村菜館咁😂而且好大部分嘅食客都係一大班人，叫小菜隊酒咁。所以全場都好嘈。樓面店員連埋老闆娘3個人，基本上係忙到痴線，多人起上嚟，廚房個師傅都要煮完碟餸自己攞埋出嚟比客人😵💫亦因為咁，唔好大期望有咩服務，佢地忙到連落單都係比張紙你，自己寫比佢地落😂我地就冇乜所謂，但當時坐隔離枱嘅客人，對此好不滿，堅持話自己唔識字，要店員同佢地落🤭
————————————————————
Post