湯品小棧 (Closed)

是晚到奧海城行街買野，上網搵到一間位於奧海城附近的小店晚膳。’湯品小棧’ 相信聽過名都要主打賣嘜呢。近排轉季，所以想飲一些清潤健康的湯呢。店鋪雖小，但食品選擇多。湯類都有5種選擇，配菜、飲品全部由自己配搭，一定有幾款合心水。湯類--我選擇了特別推介，是日推介是黑虎掌菌湯 ($38)點叫做真材實料，飲過就會知。湯沒有加入任何味精，所以味道較淡，但也因為冇味精的關係，反而飲到材料的味道，也不會越飲越口渴。我對菌類認識不多，但原來上網搵下，發現黑虎掌菌是好滋補的食材，$38有個靚湯，超值。台灣新竹米粉 ($8)米粉用清水煮的，可說是無味無道。但溝埋湯落去，味道又幾好喎。牛肝菌牛筋腩 ($16)牛腩應該炆了一段時間，很入味，入口即化。可能我食開都是濃品食物，所以這個牛腩更覺好味。野生菌醬時菜 ($16)菜心爽脆，上面鋪上一些肉碎，肉碎配米粉都幾好呢。台灣水餃5隻 ($12)水餃應該不是店舖自製的，灣仔碼頭水餃的味道吧。玫瑰花檸檬茶 ($8)飲品都是賣少糖少甜的，所以會較酸，但又很滋潤喉嚨，很適合乾躁季節飲用。