福元湯圓

Open Now

Now Closed

因為住喺新界區，好少過砲台山，先前睇過食評都好推介呢間糖水舖嘅湯圓， 由於佢開 4 pm , 之前等唔到佢開門，對上一次 4 pm 後去到門口又冇開铺。今次終於 4 pm 開咗舖試到啦。 間舖頭好細，同埋轉咗入横街，天橋脚旁，唔係太起眼。入面都有張枱仔，我哋一行三人坐低， 人多就坐唔到啦。 通常都係外賣居多，不過男老細就黑口黑面，態度同語氣都好差，唔憂做咁，廚房仲有個女士主理。 牆上貼咗D獎項，介紹咁。 湯圓 28蚊一碗可以叫鴛鴦，即係有二粒花生同三粒黑芝麻餡。 咁佢嘅湯圓真係皮薄餡靚，個薑湯好夠薑味，食物係好嘅。