瓊媽媽 (皇后大道東)

Open Now

Now Closed

今日突然想食海南雞，平時食開間餐廳full左，去左隔離街想食返之前勁好食嗰間海南雞先知佢執左，唯有食瓊媽媽。點解用唯有呢，係因為幾年前食過一次，覺得佢啲雞肉肉質好差，之後都無再食，但係得一個鐘食飯執唔到搵第二間喇，唯有俾多次機會瓊媽媽啦。懶人唔想食骨所以都係叫左無骨海南雞，揀左菜飯好似好健康。賣相唔差架，份量都好足，可惜既係佢既雞肉肉質好差，完全唔滑，又鞋又難咬，同幾偉前一鬼樣，個雞肉痴牙，仲搞到流牙血！以後唔會再食！不過呢，講味道，雞味都還好，個菜飯其實唔錯，又健康，另外個湯更加想讚，好甜好好味，飲完無口乾！為左個湯同菜飯，應該下次再試下其他餸。海南雞就不了！