水鴨朱椰子雞 (Closed)

3人行，見網上介紹，覺得用椰子尼做湯底幾特別，所以去試下！等個湯滾左會有專人幫手落雞，然後再等個雞熟埋熄火計時焗10分鐘食得！即刻試下個湯，好清新，淡淡既椰子味，覺得可以再濃d就正啦！不過本人都幾中意既！叫左一隻雞，之後再叫左手切牛肉（細）、竹苼、脆鯇魚片（有點失望，覺得被騙，因為唔係脆鯇只係普通鯇魚）、萵荀、貢丸、芝心丸（麻麻地果種）...再一支生啤加一支加多寶。其實整體上火鍋食物都冇咩特別，都係平平無奇，不過環境唔錯，唔會好雜，夠乾淨，空間足夠，覺得坐得好舒服，食得亦舒服！最值得讚揚既係服務，真心覺得服務好既！最後再每人叫左個椰子凍試下，都係覺得椰味比較淡，如果係椰奶凍就正啦！食完每人$330，算唔算貴見人見志，本人覺得還可以啦，我地都算叫得多野食，同埋睇埋服務同環境既話呢個價係值既。