火鍋撚 (雲明行) (Closed)

聽講火鍋撚好出名，而且都有幾間分店，今日黎開中環就去試下，佢係中環蘭桂坊上面，地鐵站行上黎都幾索氣，但一入到去，估唔到係滿座，就睇下係咪咁受歡迎。打邊爐最緊要個湯底，叫左個鴛鴦鍋分別係峰巢豆腐白湯鍋同埋祖傳秘製麻辣鍋，咁樣可以試到一個辣一個唔辣，首先試咗佢個白湯先，好好飲，好滋潤，熱辣辣飲好正。再講埋佢個麻辣湯，佢嘅麻辣湯唔係一層厚厚嘅油喺上邊，所以好似幾健康，而且個味唔係好鹹，我淨係個麻辣湯都飲咗兩碗。佢個menu都有幾多特別既海鮮，所以今次主要叫咗海鮮，叫咗即劏魚嘴，類似魚頭咁樣，好新鮮。好耐冇食個魚卜就叫埋魚卜，正常魚卜，都幾大嚿，配埋個麻辣湯都好正。最後叫咗個新鮮鱔片，叫咗半份，雖然得三片，但係三片都好大塊，而且啲鱔片都好簿好爽口，入口即溶。總括嚟講，地點唔太方便，但都會值得去食，因為個湯底好出色，食材又好新鮮。特別想講個佢嘅員工，間店舖長期滿座，適合又有唔同嘅要求，正常都會做到有啲脾氣，但佢哋嘅員工係超有禮貌同埋超邦德手，有咩要求都會幫你解答，所以成個過程都好舒服。