Video
Read full review
2023-01-10
450 views
心血來潮想食拉麵，放工去到旺角睇吓有乜選擇，我哋喺通菜街見到有「金鶴拉麵」。之前喺唔同地方都見過呢間拉麵店，一直想試，但未有機會，而且亦無諗過係喺旺角獻出第一次🤣。呢度環境正正常常，無華麗嘅裝修，廚房亦設喺舖入面，唔似其他拉麵店半開放式嘅狀態，所以睇唔到師傅整嘅過程👨🏻🍳。餐廳提供約十款拉麵湯底，定價由$88至$138不等，聽聞有期間限定款式，不過問店員就話啱啱完咗。我哋嗌咗兩碗唔同湯底試吓🍜。極濃雞白湯拉麵($138)，呢個係店長推介款式🌟，雞湯煮至奶白色，味道濃郁，但唔重口味。湯底用上原隻雞慢煮8小時，將雞嘅精華提煉出嚟，補充骨膠原，女士恩物🐔。雞白湯另一賣點係配上炸牛蒡，老實講唔係上網睇食評都唔知係牛蒡，因為同平日食嘅漬物好唔同。原條牛蒡刨成薄片，炸至脆卜卜，而浸湯後就變得煙韌。每碗拉麵均配有雞肉同豚肉🥩，白色嗰兩塊係雞胸，肉質唔嚡；而大大片嘅就係豚肉叉燒，如果稍為炙燒就更正。麵條並無設軟硬粗幼等個人喜好選項，我認為屬普通水平🥢。香辣豚骨湯拉麵($98)，湯底呈橙黃色，辛辣味道都幾明顯🌶，但又未算過火，反而幾過癮。豚骨湯本身唔太肥膩，難得地清澈。每碗湯麵嘅配菜包括半隻溏心蛋🥚、
心血來潮想食拉麵，放工去到旺角睇吓有乜選擇，我哋喺通菜街見到有「金鶴拉麵」。之前喺唔同地方都見過呢間拉麵店，一直想試，但未有機會，而且亦無諗過係喺旺角獻出第一次🤣。
呢度環境正正常常，無華麗嘅裝修，廚房亦設喺舖入面，唔似其他拉麵店半開放式嘅狀態，所以睇唔到師傅整嘅過程👨🏻🍳。
餐廳提供約十款拉麵湯底，定價由$88至$138不等，聽聞有期間限定款式，不過問店員就話啱啱完咗。我哋嗌咗兩碗唔同湯底試吓🍜。
極濃雞白湯拉麵
$138
9 views
0 likes
0 comments
每碗拉麵均配有雞肉同豚肉🥩，白色嗰兩塊係雞胸，肉質唔嚡；而大大片嘅就係豚肉叉燒，如果稍為炙燒就更正。
麵條並無設軟硬粗幼等個人喜好選項，我認為屬普通水平🥢。
香辣豚骨湯拉麵
$98
7 views
0 likes
0 comments
鹽燒五花腩($48/2串)，🍢呢間拉麵店同時有賣日式串燒，款式繁多，而且出品不比居酒屋或串燒店失色。🐷五花腩燒至外脆肉嫩，油香四溢，再喺面頭均勻地灑上鹽，好惹味。
總括嚟講，今日終於有機會一嚐金鶴拉麵，我認為兩個湯底都出色，至少飲完都唔覺好大負擔或口乾🙈。題外話，店員會主動為客人添熱茶，抵讚。
Post
