二撇雞

Open Now

Now Closed

二撇雞的營業時間非常難捉摸，早一段時間停了晚市，最近終於重開。講起觀塘雞湯米線，不少人會將此店與同區X駅作比較，兩間各有所長，而二撇雞的湯底和小食就略勝一籌。今次點了胡椒雞湯米線、胡椒雞米粉、失傳豬扒和溏心蛋。胡椒雞湯米線，湯底一貫出色，濃郁有雞湯甜味，有少量雲耳、沙蔘和杞子。雞件是滑雞件，啖啖肉但雞味欠奉，即使熟透仍帶有粉紅色，份量相當多。米線軟硬適中，食到最後亦不會糊。失傳已久炸豬扒，炸漿既薄且脆，但炸皮偏深色，或許是因為油太黑。肉質柔軟但較乾，味道普通。溏心蛋有驚喜，價錢公道，凍食有淡淡酒香，蛋黃做到溏心效果，值得一試。餐廳座位不少，地方整齊，上菜速度快，味道對得住價錢，加上食物款式多，應該會再次光顧！