沾仔記 (兆英商業大廈)

Open Now

Now Closed

今日行開上環，經過沾仔記，唔知點解突然覺得有啲肚餓，於是行返轉頭落去食碗雲吞麵。呢間沾仔記因為要落地庫嘅關係所以唔係咁顯眼，以前喺上環返工都會成日幫襯，因為佢嘅雲吞好大粒，蝦嘅比例都算多。今日由於係下午茶時間去，所以得兩三枱客，自己仲可以一人霸張卡位添🤣🤣。原來下午茶時間會有另一個餐牌，不過雲吞麵同飲品，都係比正價平兩蚊啫！抵唔抵食就見仁見智。我叫咗一個雲吞麵同一個豆漿，豆漿原來係支裝，都好！飲唔曬可以帶走，豆漿嘅豆味都算重，而且唔會太甜。講返雲吞麵，同以前一樣雲吞超大粒，蝦嘅比例算多，唔覺有肥豬肉；麵係冇鹼水味，我最欣賞係佢個湯，因為真係有種鮮甜嘅味，而我又唔覺得味精好重，因為我飲咗好多湯都唔覺得口乾。