新宏利粥湯飯

Open Now

Now Closed

呢間舖不嬲做開粥品，見佢做埋湯飯，一於試下。佢主打魚湯湯底，望落都幾鮮甜，餸既選擇都多。我地揀左蝦滑魚皮餃，另一碗就墨魚滑滑雞，兩碗都好好味，好鮮甜。魚皮餃係佢地自家制，個魚味相對地特出，同埋食落唔似出面果啲有味精味。蝦滑都好彈牙，蝦味好出，真材實料。滑雞既味配埋魚湯，令到碗湯都好甜好好飲。墨魚滑都一樣，好彈牙，墨魚味都好出。湯飯仲可以配菜，岩哂做野太忙唔記得食菜既香港人。粥品既野都可以嗌，炸兩內脆外軟，好味！