餃掂手工餃子雲吞專門店

約咗好朋友聚會，大家去完旅行返嚟都想食得健康啲，就試吓呢間手工餃子專門店，睇吓係咪真係咁「餃掂」🥟🤭😆我哋叫咗兩款餃子，第一款係8隻龍鳳松茸雙湯餃，入面充滿松茸，皮薄又饀靚👍🏻 佢跟埋碗狀元九鼎湯，超好飲。原來材料有粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨，唔怪之得飲完唔覺有味精，真材實料🍲第二款餃子係7隻元貝豬肉餃，今次餃子係浸喺狀元九鼎湯入面，餃子入面充滿元貝同豬肉，浸住湯有滋潤嘅台感覺🥟小食方面，我哋叫咗一碟日本龍鳳蛋配黑白松露醬，賣相好吸引又惹味🤩🥚🥚 另外，我哋仲叫咗5隻蜜餞雞翼，肉質嫩滑又入味🍗飲品我哋叫咗熱豆漿同熱山楂雪梨水，兩杯都大大杯、又唔會太甜，好滋潤呀🥛🍐