Video
Read full review
2024-02-29
475 views
餐廳：Forkers (灣仔)地址：灣仔駱克道33號萬通保險大廈地下A號舖灣仔駱克道呢間扒房Forkers，喺土瓜灣經營咗接近4年之後搬咗過嚟，上年9月重新開張🎊，短短接近半年時間已經吸引咗唔少人過嚟聚餐食飯🍽️，究竟佢哋有咩咁吸引呢😎？原來老闆喺西班牙西南部有個獨家農場，專門飼養提供比餐廳嘅西班牙伊比利亞黑毛豬，而矜貴之處在於呢啲黑毛豬主要食橡果，令豬肉帶有獨特榛子香🌰。有好嘅食材，又點可以無好嘅大廚？餐廳兩個大廚，一個拎過米芝蓮榮譽，一個喺酒店出身，包你喺度食到高質素嘅美食😌坐低無耐，店員送上自家烘焙Focaccia(意大利香草麵包)🥖、酸種麵包同用咗紅洋蔥、紅菜頭整成嘅紫色麵包，配埋自家製煙燻茄子醬同香草牛油🧈，確實喺一個good start👍。當然唔少得風乾咗超過48個月嘅手切風乾伊比利亞黑毛豬火腿，入口有陣陣豚脂香同果香，一啲都唔鹹唔膩，容易入口又好食🤤叫咗餐廳嘅dinner Menu，每人$498起包前菜、主菜、Side dish、甜品同咖啡或茶🍵，仲可以額外加海鮮🦐、意粉🍝，甚至Wine Paring都一樣有🍷前菜揀咗是日餐湯——南瓜蕃茄忌廉湯同煙燻鰻魚，酸甜適中嘅忌廉湯c
地址：灣仔駱克道33號萬通保險大廈地下A號舖
灣仔駱克道呢間扒房Forkers，喺土瓜灣經營咗接近4年之後搬咗過嚟，上年9月重新開張🎊，短短接近半年時間已經吸引咗唔少人過嚟聚餐食飯🍽️，究竟佢哋有咩咁吸引呢😎？
原來老闆喺西班牙西南部有個獨家農場，專門飼養提供比餐廳嘅西班牙伊比利亞黑毛豬，而矜貴之處在於呢啲黑毛豬主要食橡果，令豬肉帶有獨特榛子香🌰。有好嘅食材，又點可以無好嘅大廚？餐廳兩個大廚，一個拎過米芝蓮榮譽，一個喺酒店出身，包你喺度食到高質素嘅美食😌
坐低無耐，店員送上自家烘焙Focaccia(意大利香草麵包)🥖、酸種麵包同用咗紅洋蔥、紅菜頭整成嘅紫色麵包，配埋自家製煙燻茄子醬同香草牛油🧈，確實喺一個good start👍。
當然唔少得風乾咗超過48個月嘅手切風乾伊比利亞黑毛豬火腿，入口有陣陣豚脂香同果香，一啲都唔鹹唔膩，容易入口又好食🤤叫咗餐廳嘅dinner Menu，每人$498起包前菜、主菜、Side dish、甜品同咖啡或茶🍵，仲可以額外加海鮮🦐、意粉🍝，甚至Wine Paring都一樣有🍷
前菜揀咗是日餐湯——南瓜蕃茄忌廉湯同煙燻鰻魚，酸甜適中嘅忌廉湯creamy得嚟，同時品嘗到南瓜同蕃茄鮮香🎃🍅；
煙燻香味癖除咗鰻魚嘅腥味，加上橄欖油配埋香脆多士一齊食仲別有風味
主食先有chef special(+$128)——油封東星斑🐟，呢種法式油封做法喺將食材浸喺油當中再以低溫處理，保留魚腩部位嘅軟嫩質感同水份，亦唔似高溫油炸咁令東星斑變得油膩，反而食到啖啖鮮味😍，加上檸檬牛油汁同東南亞香草嘅配搭🌿，連同菠菜、瑤柱、蘆筍、紅椒、南瓜等配料，夠晒清新健康，不過要小心唔好比魚骨拮親呀😝
另一個主食叫咗Taste of Iberico(+$128)，用嘅部位喺豬肩梅頭肉🐷，肉質軟嫩、肉汁豐富💦，帶有啲脂肪層，相對其他部位無咁羶，加上特級初榨橄欖油、炸蒜片一齊食又喺另一種滋味
Side dish叫咗凱撒沙律同烤蘆筍，前者除咗爽脆嘅羅馬生菜🥬，仲有巴馬臣芝士碎、香脆麵包糠同鹹香火腿；
後者爽嫩配埋五大經典法式醬料之一嘅荷蘭醬，帶嚟微酸開胃、濃稠順滑嘅口感最後甜品有Sweet同Savory各一嘅Cappuccino Cake同紅莓Charlotte🧁，
Cappuccino蛋糕有三層，最底有香脆朱古力曲奇🍪，中層有滑溜咖啡布甸、最頂喺滑得嚟Airy嘅牛奶mousse，灑埋可可粉喺面，層次相當豐富；
紅莓Charlotte喺手指餅形狀嘅海綿蛋糕當中，放咗3款唔同酸香程度嘅紅莓，雖然黑加侖子有少少太酸🤏，但的確中和咗唔少成餐積落嚟嘅飽滯感，喺唔喺意味可以再食下餐😆
Post
