千海水產海鮮火鍋放題

Open Now

Now Closed

喺香港想食新鮮海鮮，豐富少少兩三千落樓真係周時有，今日竟然俾我發現到有一間海鮮火鍋放題店，一個價錢講緊人均只係$300左右就可以任食生猛海鮮，而且餐廳自助撈海鮮區域會不停補貨無限量任撈任煮，咁着數一定唔能夠錯過！去到自助區放眼望埋去款式真係好多，例如有眼仔碌碌三眼仔蟹、深海鮑魚、跳跳紮大蝦、好大粒下嘅東風螺、掌心大蜆、肥美沙白，鍾意食海鮮嘅一定唔能夠錯過呢度！自助熟食區選擇亦唔少，矜貴嘅麻辣小龍蝦、特大桶蠔、脆鯇魚片、大人細路都啱食嘅港式點心、邊爐必備嘅響鈴，炸魚皮等等，仲有各款前菜生果蔬菜丸類，真係應有盡有！打邊爐嘅湯底都有好多選擇，我就揀咗胡椒豬肚湯，配海鮮味道一流，仲可以驅寒真係一絕啦！鍾意肉類嘅，亦都有好多選擇，例如我呢款澳洲M和牛，美國牛肩胛片、羊肉片、豬梅頭片等等。熟食方面，鐵板鵝肝多士、鹽燒牛舌、燒香草羊胺、西京燒比目魚、川味燒鮮蠔、蒲燒饅魚、皇牌燒乳鴿王等等，真係食到捧住個肚仔！