飯先生

Open Now

Now Closed

在奧運站C出囗的西九滙做完嘢，有啲肚餓，又怕附近餐廳多人要同人迫，見OpenRice 地圖附近有間日食日式嘢嘅外賣店，見個名幾得意叫做飯先生，我哋就喺OpenRice嗰度訂完𨍭頭落去攞，估唔到咁近轉過彎就到。店面細細，坐落起好友香港特色嘅唐樓富貴大廈轉角度。點咗蘭王醬油漬封門柳丼同日式咖哩吉列豬扒丼，點餐就包飲品，我哋仲加左個$10 香脆蝦多士小食。坐一下就有得攞啦。隻醬油漬蘭王蛋黃鮮味，同個封門柳撈埋一齊👍🏻日式咖哩汁濃，仲有多款蔬菜喺裏面，分開放嘅吉列豬扒，亦都好大件。我哋轉咗其中一個主糧做烏冬，烏冬都好彈牙。小店似乎係一對母子營運嘅。食物質素唔錯，我見其他人點關東煮大大碗，下次可以試吓。跟餐可以配椰子水好適合呢個天氣。小店係收到單新鮮製作，如果唔想等就要預早落單。除咗喺OpenRice原來仲可以WhatsApp或者社交平台落單。