Simply (Closed)

同朋友來到大角咀，經過Simply見佢有二人晚餐，成個set都係$388仲唔使加一，入去試下先。店內不大，進店後店員示意隨便坐，好快送上水同餐牌，即刻落單先。⭐是日餐湯天氣凍，我同朋友都揀咗餐湯唔要沙律，是日餐湯係粟米湯，幾香甜，仲有粒粒粟米粒。⭐香蒜焗生蠔頭盤揀咗要焗蠔，要咗香蒜味，啲蠔焗起上嚟都幾大隻幾鮮味，但係一掂落去就甩殼咁得意嘅😆⭐西京燒比目魚伴黑松露意大利飯主食之一要咗意大利飯，個飯仲配上西京燒比目魚，有啲日西fusion feel，哈哈，魚好滑好香口，意大利飯有濃濃嘅黑松露忌廉味，但個人覺得口感偏腍，冇意大利飯嗰種半生嘅感覺，扣分😆⭐紐西蘭羊架另一個主菜就揀咗羊架，有三支骨，伴菜係薯仔同西蘭花，賣相好吸引，要五成熟啱啱好，個羊肉食落去好香紅酒味，唔知係咪用酒醃過呢😋⭐牛角窩夫伴雪糕個餐仲有甜品送，我哋兩個都揀咗要牛角窩夫伴曲奇雪糕，窩夫新鮮焗起熱辣辣，仲好有牛油香，正喎😋⭐蜂蜜柚子茶 & 即磨咖啡最後就係餐飲，今日咁嘅天氣就梗係飲熱飲啦，朋友要咗個蜂蜜柚子茶，甜甜地有柚子香，自己要咗即磨咖啡，個咖啡好濃，唉呀～唔知今晚會唔會瞓唔著呢，哈哈。味道唔錯價錢抵食，支持一下小店👍