Video
Read full review
2020-09-27
176 views
好友快將生日，本來一早約好咗外出打邊爐慶祝，可惜友人前幾日不小心弄傷了足踝，走路一拐一拐，所以只好聽從醫生吩咐，留在家中休息。見友人悶悶不樂，露出一副可憐相，很令人同情，所以就自動請纓，由我發板，外賣個火鍋餐到她家中，齊齊烚下烚下。上網搵咗好多外賣火鍋嘅資料，見有唔少人推介「一鍋堂」嘅火鍋套餐。打電話去餐廳問過，原來外賣自取仲有九折優惠，唔洗 $300 就食到個「溫馨二人火鍋餐」，真係非常化算。外賣自取時間：每日 12:00pm- 8:30pm，去到揀好食物，等大約 20 分鐘，火鍋料就已經全部執齊，而且仲包裝得好企理， 完全唔使擔心個湯底同醬料會漏瀉。去到朋友屋企，先幫個火鍋餐影番張大合照，睇下幾豐富，有小食、湯底、海鮮盛合、自家手打魚滑、手工丸餃、精選進口肉、蔬菜盛盒、麵食、自家製涼茶、冰糖燉檸檬，甚至連佐料、外賣餐具同消毒酒精等，都一應俱全。淨係湯底對就已經有成十幾款，揀咗個沙嗲湯，一打開蓋已經聞到香噴噴的花生味。加熱後舀了一匙試試，湯身濃稠不稀，入口香而不辣，絕不嗆喉，用作打邊爐惹味非常。海鮮盛合有海蝦、帆立貝、沙白蜆、白鱔片和脆鯇腩。海蝦雖然唔算好大隻，但食落鮮甜多汁，爽口彈
見友人悶悶不樂，露出一副可憐相，很令人同情，所以就自動請纓，由我發板，外賣個火鍋餐到她家中，齊齊烚下烚下。
上網搵咗好多外賣火鍋嘅資料，見有唔少人推介「一鍋堂」嘅火鍋套餐。打電話去餐廳問過，原來外賣自取仲有九折優惠，唔洗 $300 就食到個「溫馨二人火鍋餐」，真係非常化算。
外賣自取時間：每日 12:00pm- 8:30pm，去到揀好食物，等大約 20 分鐘，火鍋料就已經全部執齊，而且仲包裝得好企理， 完全唔使擔心個湯底同醬料會漏瀉。
去到朋友屋企，先幫個火鍋餐影番張大合照，睇下幾豐富，有小食、湯底、海鮮盛合、自家手打魚滑、手工丸餃、精選進口肉、蔬菜盛盒、麵食、自家製涼茶、冰糖燉檸檬，甚至連佐料、外賣餐具同消毒酒精等，都一應俱全。
淨係湯底對就已經有成十幾款，揀咗個沙嗲湯，一打開蓋已經聞到香噴噴的花生味。加熱後舀了一匙試試，湯身濃稠不稀，入口香而不辣，絕不嗆喉，用作打邊爐惹味非常。
海鮮盛合有海蝦、帆立貝、沙白蜆、白鱔片和脆鯇腩。海蝦雖然唔算好大隻，但食落鮮甜多汁，爽口彈牙；而帆立貝亦肉厚飽滿，嫩滑帶嚼勁。
另外白鱔片同脆鯇腩質素亦唔錯，白鱔肥美、肉質富彈性，用嚟打邊爐真係無得輸；而脆鯇腩亦富魚香兼無泥味，實屬靚貨。
手工丸餃揀咗韭菜餃同潮汕豬肉丸，韭菜餃皮薄餡靚，入面有滿滿的韭菜，用料十足。豬肉丸凹凸不平，一睇就知係手打貨，入口肉味香盛，而且咬落仲有肉汁擠出。
魚滑有三款，揀咗黑松露手打墨魚滑，魚滑賣相很精美，面頭鋪了一小撮黑松露。把魚滑和松露攪勻放落湯鍋，質地幼滑彈牙，每啖都食到墨魚滑同拌料一齊嘅口感。
另外仲有 8寸蟹棒、超甜粟米、雜菜拼盤、麻辣撈雞柳、真係花膠等。蟹棒度過真係有 8寸長， 無花無假，入口蟹肉飽滿，絲絲分明，啖啖都有爆汁感。
肉食揀咗西班牙栗飼豬，脂肪分佈平均，肉質夠爽口又煙韌，肉味好香。
小食黃金炸魚皮亦值得一讚， 塊塊都沾滿鹹蛋黃碎，賣相很吸引，咬下脆卜卜，放入湯鍋淥一淥，魚皮即時充斥著鹹蛋黃和沙嗲嘅甘香，味道好正。
麵食選了胡椒麵同稻庭烏冬，胡椒麵是自家製，入口帶陣陣胡椒香，放入鍋中，麵條滲滿濃香的沙嗲，雙重口感，十分美味。
連飲品都好有特色，唔係一般嘅五花茶，呢兩支係自家製的冰糖燉檸檬同洛神花茶，另外仲有一樽純手工製作嘅冰糖檸檬，可以用嚟沖水，打完邊爐飲番返杯，感覺特別滋潤。
Post
