Video
Read full review
2018-06-28
166 views
一兩年前已經同朋友黎過Cafe Paradise食晚飯，今日拉左男親黎試一下。店舖雖小，但每一處都非常用心，貼滿即影即有既牆、別緻既小擺設、充滿回憶既廣東話歌曲，令我覺得呢度好溫馨、好溫暖一坐低，侍應就好貼心咁介紹菜單，除左Set Dinner外，原來餐牌中單點既主菜都可以轉Set Dinner，價錢分為$123或$133，咁彈性既措施真係值得一讚，客人們亦都可以有更多既選擇。Set Dinner包餐湯、田園沙律、一道主菜、甜品及咖啡或茶。我地分別點左香脆豬手配燒汁同煙三文魚蜆肉天使麵兩個Set侍應先奉上椰菜花忌廉湯同田園沙律。忌廉湯暖暖地，味道係比較清淡既湯。而田園沙律搭配左黑醋汁，酸酸既黑醋加埋爽口既沙律菜，十分開胃第一樣主菜係香脆豬手配燒汁。首先份量的確好豐盛，足夠兩個人食。豬手皮脆、肉質唔老，一啲都唔韌。而豬手可以搭配燒汁或者芥末，燒汁能夠調出豬手本身既肉味，但個人認為配芥末令豬手味道更上一層樓，為味蕾帶來刺激*香脆豬手配燒汁 $168*另一款主菜係煙三文魚蜆肉天使麵。天使麵係非常幼細既麵，配埋好Creamy既汁，口感非常好，味道濃淡亦都好適中*煙三文魚蜆肉天使麵 $123*飲
Set Dinner包餐湯、田園沙律、一道主菜、甜品及咖啡或茶。我地分別點左香脆豬手配燒汁同煙三文魚蜆肉天使麵兩個Set
侍應先奉上椰菜花忌廉湯同田園沙律。忌廉湯暖暖地，味道係比較清淡既湯。而田園沙律搭配左黑醋汁，酸酸既黑醋加埋爽口既沙律菜，十分開胃
第一樣主菜係香脆豬手配燒汁。首先份量的確好豐盛，足夠兩個人食。豬手皮脆、肉質唔老，一啲都唔韌。而豬手可以搭配燒汁或者芥末，燒汁能夠調出豬手本身既肉味，但個人認為配芥末令豬手味道更上一層樓，為味蕾帶來刺激
*香脆豬手配燒汁 $168*
另一款主菜係煙三文魚蜆肉天使麵。天使麵係非常幼細既麵，配埋好Creamy既汁，口感非常好，味道濃淡亦都好適中
*煙三文魚蜆肉天使麵 $123*
飲品方面咖啡或茶係免費，但見到飲品Manu上有好多有特式既飲料，我地都決定加錢轉特飲。最出奇不意既特飲莫過於白牛。白牛其實係呍呢嗱雪糕溝雪碧，我同男親都未試過，估唔到第一次飲白牛竟然係間西餐廳就咁食雪糕時有好香又唔假既呍呢嗱味，當攪勻雪糕同雪碧時就會變左有氣既呍呢嗱味雪碧，味道舒爽
*白牛 $35 （跟餐加$15）*
而我就點左焦糖鮮奶。焦糖味唔算好濃郁，係淡淡既焦糖，唔會令成杯飲品太甜，份量控制得幾好
*焦糖鮮奶 $39 （跟餐加$15）*
最後侍應送上甜品來完結美好既晚餐。甜品係每日隨機，今日就係益力多雪糕。比起雪糕佢更似一個雪葩，質地比較冰，食落亦都比較爽，而益力多味本身都十分突出
總括黎講，Cafe Paradise比我既印象十分好，不單食物有一定水準，侍應既服務同態度都好到令人驚訝，十分周到期待下次再來臨呢間溫馨小店
Post
