Video
Read full review
2024-02-05
18 views
呢間日式居酒屋位於尖東海旁，喺南洋中心上一層電梯，位置唔算太顯眼，採用懷舊昭和木系風格裝修，滿滿嘅和式風味！提供多款唔同嘅日式料理，刺身、串燒同一品料理都有，仲會以多款時令食材入饌，經常都會有隱藏新菜式！餐廳有卡位同日式包間，比人一種好溫馨嘅感覺，仲有唔少名人到訪過！呢間居酒屋啱晒一大班朋友嚟，想食返幾串飲吓清酒都唔錯！-——————————————每位客人會先上一份前菜，係明太子八爪魚，口感好爽脆好食！🍣◖刺身拼盤◗ $380居酒一定唔少得刺身，呢間嘅刺身厚切又鮮甜，仲有啲飛機魚可以揀！可以叫廚師發辦拼盤，廚師會揀返啲時令嘅刺身，今次呢個拼盤就有生蠔、深海池魚、鮮八爪魚同鱈魚白子拼鮟鱇魚肝，夠新鮮質素都唔錯！個池魚同八爪魚有驚喜，池魚入口口感夠爽；八爪魚仲有啲吸盤位置，超脆口！仲有鱈魚白子，比較少機會食到，味道唔腥好creamy，正！🥜◖花生豆腐◗ $58佢嘅前菜小食款式都幾吸引，見呢個個名咁特別，試一試佢！口感好滑溜，成嚿豆腐咁，但花生嘅香味都幾濃郁，仲有少少甘甜，好食好特別！除咗一品料理同刺身卷物，另一個主打就係佢嘅日式燒物，正常居酒屋價格，勝在款式夠特別而且品質有保證，下面有啲
餐廳有卡位同日式包間，比人一種好溫馨嘅感覺，仲有唔少名人到訪過！呢間居酒屋啱晒一大班朋友嚟，想食返幾串飲吓清酒都唔錯！
-——————————————
每位客人會先上一份前菜，係明太子八爪魚，口感好爽脆好食！
🍣◖刺身拼盤◗ $380
居酒一定唔少得刺身，呢間嘅刺身厚切又鮮甜，仲有啲飛機魚可以揀！可以叫廚師發辦拼盤，廚師會揀返啲時令嘅刺身，今次呢個拼盤就有生蠔、深海池魚、鮮八爪魚同鱈魚白子拼鮟鱇魚肝，夠新鮮質素都唔錯！個池魚同八爪魚有驚喜，池魚入口口感夠爽；八爪魚仲有啲吸盤位置，超脆口！仲有鱈魚白子，比較少機會食到，味道唔腥好creamy，正！
🥜◖花生豆腐◗ $58
佢嘅前菜小食款式都幾吸引，見呢個個名咁特別，試一試佢！口感好滑溜，成嚿豆腐咁，但花生嘅香味都幾濃郁，仲有少少甘甜，好食好特別！
除咗一品料理同刺身卷物，另一個主打就係佢嘅日式燒物，正常居酒屋價格，勝在款式夠特別而且品質有保證，下面有啲價錢參考返～👇🏻
💕燒魷魚一夜干 $68
💕燒豬天梯 $58
💕燒和牛小排 $298
💕雞軟骨串 $22
💕青椒仔豚肉卷串 $32
💕雞頸肉 $78
欣賞佢呢度竟然有啲罕有部位嘅串燒，好似豬天梯、雞頸肉呢啲，唔係到處都有，而且口感味道都做得唔錯，必試！其他好似和牛小排、魷魚一夜干亦都燒得好香！
🥗◖五目炒什菜◗ $78
炒雜菜有椰菜、彩椒、芽菜、洋蔥呢啲，炒得幾有鑊氣，食少少菜燒一燒滯都唔錯！
🍜◖海膽濃湯松葉蟹稻庭烏冬◗ $198
烏冬上枱仲係熱辣辣，裏面個湯頭橙黃色，質感黏稠，濃濃嘅清酒同鮮味！配料有松葉蟹腳同五大隻蜆，食落特別鮮甜，稻庭烏冬掛晒汁，索晒啲海膽濃湯，一個唔小心成碗連湯都清晒！
🌟 Encore指數：9.1/10
Post
