古今二 (觀塘工業中心)

Open Now

Now Closed

同事搵左公司附近工廈餐廳，點左幾樣食物：龍捲風沙律份量十足嘅沙律，貌相吸引，最底新鮮係沙律菜同中華沙律，再加海量嘅蟹柳絲，上面鋪脆片同蟹籽，脆口又爽口，加上獨特醬汁，食落零舍開胃又好味。秘製蒜香牛油帆立貝帆立貝大大粒 食落蒜香味濃郁 加牛油夠晒香好滋味。宮崎味鹽牛舌串串燒牛舌夠香軟 加少少鹽已經令到味道更加突出。青龍卷貌相吸引，牛油果，鰻魚同蟹柳，雖然材料同蜘蛛有d相似，但食落口感唔一樣，而且醬汁唔同，不過兩者都好好味。蜘蛛材料包括蟹柳，青瓜，牛油果同炸軟殼蟹，全部都係好啱口味嘅食物，壽司包青瓜蟹柳就夠傳統，夾上牛油果又有另一種口感同味道，加埋炸軟殼蟹搭配，香脆軟滑各種口感都有，好味。