相馬日式火鍋 (Closed)

今日同男朋友去咗火炭整野，搞掂嘅時候已經係食飯時間🤤，即刻search吓附近有咩好食。俾我哋搵到係沙田商業中心有間唔錯嘅大閘蟹海鮮火鍋🍲放題！所以決定去呢度開餐！我哋2人用餐，呢個放題包咗任食大閘蟹同一次性極上蒸海鮮😍，之後仲可以食埋火鍋，仲有無限量嘅熟食同甜品！真係超抵👍🏻胡椒花膠雞湯，雞湯味🐓道好濃郁，完全食得出用足材料去煲👍🏻。加埋養顏嘅花膠🐟同辣辣地嘅胡椒粒。完全係一個養生湯水！😋任食大閘蟹 ，每一隻大閘蟹🦀都又大又新鮮！打開仲有勁多蟹膏🦀喺入邊。食完之後蟹膏嘅味道充斥住成個口腔🤤。滋味無窮。蒸海鮮，雖然係一次性,但就可以放海量嘅海鮮喺入邊。分別有日本帶子🐚，灰蜆🐚，廣島蠔🦪，青口🐚同大頭蝦🦐。全部食材都新鮮美味。真係唔可以錯過！