金子半之助 (荃灣廣場)

Open Now

Now Closed

這間以天丼馳名嘅日本過江龍天婦羅丼專門店, 荃灣分店位於荃灣廣場, 木系裝修, 感覺悠閒舒適。海老天押壽司 88賣相精緻, 蝦肉炸得金黃酥脆, 配以紫蘇葉, 口感清爽, 壽司飯粒鬆軟, 香口順滑。迷你天丼&蕎麥麵/烏冬迷你天丼（牡蠣）天丼配料好豐富, 天婦羅鋪滿飯面, 牡蠣天婦羅脆香炸漿包著厚肉鮮甜嘅蠔肉, 海苔和菇菌天婦羅同樣爽脆可口, 香飯配以爆漿流心蛋, 口感好豐富。稻庭烏冬（溫）先在配料木盒揀了木魚片, 昆布和蔥粒等, 配以鮮香雞蛋, 放入熱暖又彈牙嘅稻庭烏冬, 幼滑香口, 味道好有層次感。半之助沙律 炸蝦大隻又爽脆, 沙律菜好新鮮, 清新醒胃。帆立貝魷魚天婦羅餅 天婦羅餅酥脆炸漿包著爽口嘅帆立貝和魷魚, 不肥不膩, 滋味可口。