金子半之助 (荃灣廣場)

Open Now

Now Closed

很久冇出荃灣這地方行街，約了朋友行週圍商埸，看下新品，行到這個商埸，到吃晚餐時間，選去那間吃，行到這間，門口好有日式感，就入了去，一間吃日式餐廳，環境同坐位寬倘，看了一會餐牌叫了海老天押壽司  少見，押成正方型壽司，有層次感，炸過細細蝦舖在飯上，入口脆卜卜，好香蝦鮮味迷你天丼&稻庭烏冬/喬麥麵  迷你天丼 (牡蠣)/稻庭烏冬一次可以吃到飯同烏冬，少有搭配組合，飯上面舖滿炸得金黄的蠔，蠔厚身脆口，濃鮮香蠔味，烏冬幼身，爽滑嫩口，打了蛋落烏冬到，更加嫩滑，加多份蛋香味，飯同烏冬份量剛好，平時大吃朋友都可吃得飽配料盒  有特色，用一個精緻木盒載著配料，每樣配料加入麵同飯都好香半之助沙律  少有，沙律伴碟炸過的蝦，蝦彈口脆滑，好香蝦味，菜片片翠綠，好新鮮鮮菜味，唰唰聲野菜天婦羅盛盒  每款炸得脆身，蝦脆口彈滑，野菜爽脆滑口，特别鮮蝦香味同野菜香味

半之助沙津開胃之選～沙津都有天婦羅蝦球，蝦好彈牙～海葡萄好爽身，口感一絕～海老天押壽司天丼炸蝦配上紫蘇葉同秘製醬汁，壓成四四方方嘅壽司塊，香脆厚實～牡蠣天丼配北海道產蕎麥麵日本蠔鮮甜Creamy，外層薄薄嘅炸粉，保住蠔嘅鮮味～蕎麥麵非常彈牙，好味～上天丼天婦羅有肉質厚實彈牙、魚味重嘅白身魚，有嚼勁嘅小柱魷魚，流心溫心炸蛋同埋一片香脆炸海苔～天婦羅即叫即整，上枱時仍然保持新鮮熱度～標配300克日本珍珠米，份量岩岩好～

平日不食炸物嘅我，今日就放縱一下去食個天婦羅。#金子半之助 系 一家日本聞名江戶前天丼餐廳，用料以穴子、海老、小桂魷魚等新鮮海鮮食材製成，再配上味噌湯和漬物，令你回味無窮。✨半之助沙律口感幾清新，有日本薄切嘅紅蘿蔔，沙律菜，炸蝦，和風醋汁，天婦羅脆脆。✨野菜天婦羅盛合天婦羅衣薄且脆，食落冇成口炸粉，炸嘅時間掌握得岩岩好，食落不感到油膩。✨海老天押壽司壽司飯煙韌，表面舖上炸蝦，下面則是酸薑，味道配搭剛好。✨月見雞肉漢堡御膳X牡蠣迷你天婦羅整個御膳賣相吸引，入面仲有隻温泉蛋，雞肉漢堡加埋溫泉蛋流心蛋黃撈飯好正。味道更加豐富。牡蠣好有鮮味，朋友話想叫多隻添。系香港食天婦羅都可以系日本嘅味道。呢一餐飯真係大滿足。

今日同朋友聚會見到成間餐廳都充滿日式風格，就入咗去呢間試試。因為佢係現點現做的，所以多人嘅時候要等20至30分鐘。稻庭烏冬可以選擇溫定係冷，咁我就揀咗溫嘅。佢有一個盒比你揀配料，可以落蔥、海帶、溫泉蛋等等。烏冬好爽滑，連同啲配料一齊食，口感會豐富啲，唔會好dry，佢仲可以同迷你天丼一齊嗌，如果有帶小朋友嘅話就可以好似我哋咁樣齋嗌。天丼每一個丼都會附送埋麵豉湯同埋漬物（酸蘿蔔同薑），點單嘅時候可以選擇分汁或者唔分汁，我哋就揀咗唔分汁，醬汁好夠，飯同上面嘅天婦羅都覆蓋到。呢款係最基本嘅丼，有標配會有海老、帆立貝魷魚餅、菇菌、荷蘭豆、海苔同埋溫泉蛋。篤穿個溫泉蛋同啱啱嘅醬汁撈飯食一流👍🏻👍🏻 所有嘅天婦羅佢都唔會炸得好油膩，份量男女食都食得飽。軟殼蟹天丼基本上其他嘅丼飯都係喺啱啱嘅基礎上有唔同嘅天婦羅，呢個就係冇咗菇菌，多咗軟殼蟹，可以見到蟹膏，喺炸軟殼蟹嚟講都above average，但佢比天丼貴$60，cp值就冇咁高。

夠哂正宗！有改善！之前黎過1,2次，都唔係話太吸引，今次黎有改善唔知係咪換左批師傅😂😂😂 。 今次我地好認真咁睇下個餐牌, 發現除左我地食開既天丼之外, 其實都仲有好多野可以試下, 咁次我地決定要SHARE新野黎食!

# 金子半之助（荃灣分店）金子半之助係一間知名嘅天丼專門店，以新鮮炸物同美味醬汁聞名。不過，最近一次喺荃灣分店嘅用餐經驗令我相當失望。當日，我哋點咗招牌天丼，期望可以享受到熱辣辣、香脆嘅天婦羅。然而，當食物送上嚟嘅時候，發現炸物已經凍咗，完全失去咗應有嘅香脆口感。呢種情況可能係因為炸物預先炸好，未能保持溫度，導致質素下降。更令人失望嘅係，店員嘅態度十分惡劣，完全缺乏基本嘅禮貌同服務意識。呢種服務質素實在令人難以接受。整體而言，呢次嘅用餐體驗非常差。希望餐廳可以正視呢啲問題，改善食物質素同員工服務態度，確保每位客人都能享受到應有嘅用餐體驗。

天婦羅炸出來半黑，掉下嚟的炸漿是糊的，天婦羅好咸又濕又淋，完全唔合格。我個人的要求比較低，見到咁都無所謂心照食，差不多食完見碗底，驚見一條裂痕，原來成隻碗係裂開兩邊，得少少黐住，咁嘅碗仲可以攞嚟招呼客人，都唔知有碎屑食咗落肚。食完同佢哋講返隻碗係裂，仲哋唔覺得有問題，照收返落放用完的餐具盆，睇怕會洗完繼續用，直至至隻碗肝腸寸斷，完全爛晒為止，鞠躬盡瘁死而後已。大家嚟用餐記得睇清楚小心清楚隻碗有冇爛先食！！！

18:50分落左單，19:45先到唔緊要，好食的話我等，結果黎到所謂既天婦羅完全談不上係天婦羅，衰過小食鋪既煎釀三寶，炸得燶都不在話下，最重要係根本唔係天婦羅嘅炸粉，根本就係港式小食嘅炸粉，我完全好似食緊炸油池，同炸魷魚一樣，不知所謂。餐枱上嘅餐牌嘅相寫住「連續8屆榮獲日本全國天丼金賞」，相入面係堅嘅天婦羅，但嚟到係炸油池一樣。呢間嘢掛羊頭賣狗肉，你好評嘅？係唔係從來冇去過日本或者食個真正嘅天婦羅？🤬

我一直都好想試呢間嘅天婦羅飯 好多朋友都話好好食今次搵左次機會黎試試佢 份量都比我地想像中多 我同我個朋友都食得勁飽勁滿足😂<半之助沙律 🥗$48>呢個沙律好有驚喜 有3只炸蝦 炸蝦外脆內嫩 沙律菜都好新鮮 都幾爽口 我地最鍾意佢個特製醬汁 成件事好夾😉

<明太子玉子🍳 $48> 我自己好鍾意明太子玉子 明太子份量超級多！明太子勁香加埋個玉子 一啖落去真係勁滿足 🥰<迷你天丼（牡蠣）&稻庭烏冬（冷）🦪 $128 >迷你天丼入面有炸牡蠣，蛋，南瓜同荷蘭豆 個牡蠣好肥美 味道鮮甜 最鍾意篤穿粒蛋 同飯一齊食真係好好味🥺稻庭烏冬偏幼身 好彈牙 要過埋個冷麵汁 酸酸甜甜 好解膩🤤<海老天押壽司🍣 $88>呢款壽司都幾特別 係炸蝦再加上紫蘇葉 再配埋特製醬汁 口感都幾有層次🤓
<炸雞三件🍗 $38> 天婦羅炸雞大大件 好惹味 雞肉炸得外脆內嫩 我鍾意點埋佢地個天婦羅醬汁 酸酸甜甜 唔會好膩😚

終於再次食到金子半之助，之前在葵芳分店吃過，味道唔錯的。今次見到荃灣有，即刻拉埋朋友一齊食。環境舒服，坐位寬敞，整體氛圍都好靜。半之助沙律 $48 先試試他們的**半之助沙律**，裡面有天婦羅蝦和海葡萄，色彩繽紛，讓人一看就有食慾。天婦羅蝦炸得恰到好處，外脆內嫩，海葡萄口感清新，搭配的醬汁也很清爽，不會太膩，是一個不錯的開胃菜！車海老壽司卷 $108這款壽司卷的海老幼滑彈牙，搭配的沙律醬增添了香濃的口感，還有魚子點綴，讓整體口感更加豐富。燒鹽麴鮭魚&迷你天婦羅御膳 $148- 軟殼蟹迷你天婦羅 +$20這個套餐非常豐富，除了鮭魚，還有迷你天婦羅和附餐的飯、味噌湯、漬物。鮭魚燒得恰到好處，搭配的迷你天婦羅也非常好吃，尤其是軟殼蟹的迷你天婦羅，只需額外加$20，真係值得！另外，這裡仲有自助飲品可供選擇，只需加錢就可以任飲3款，包括菠蘿雜果汁、芒果綠茶和西柚烏龍茶。

今日同朋友到荃灣食飯，去到餐廳不需要等位就可以入座 。我們叫了一份半之助沙律、一隻溫泉蛋、一份車海老壽司卷和一份鮭魚燒御膳配海老迷你天婦羅 。我們點了半之助沙律，這道沙律色彩繽紛，搭配新鮮的生菜、蕃茄和炸蝦，淋上特製的醬汁，清爽可口。接著是炸溫泉蛋，外觀有層薄薄炸衣入面滑嫩，蛋黃呈現完美的金黃色，搭配少許醬油，口感滑順。車海老壽司卷則是另一道亮點，外層紫菜同飯包裹著新鮮的炸海老同酸酸的黃瓜，口感層次分明，令人驚喜。最後，我們品嚐了鮭魚燒御膳，搭配海老迷你天婦羅，鮭魚外焦內嫩，天婦羅則是酥脆可口，完美的搭配。整體而言，這些菜品的味道都非常出色，鮮美的海鮮與清新的蔬菜相得益彰，讓人感受到日式料理的精髓。

早幾日逛荃灣廣場，晚上和朋友試下金子半之助的丼飯。店內以淺色木系為主調，一直播放日本音樂，和風味濃厚。半之助沙律，以為好細碟，實際兩人夠晒食，有好幾種沙律菜，好鮮甜爽脆，還有炸蝦，加埋特製的沙律汁，帶有微酸，更滋味。車海老壽司卷，都幾多件，好多蝦，夾雜些蔬菜，上面鋪上三文魚子，口感豐富，感覺不會油膩。迷你牡蠣天丼+蕎麥冷麵，牡蠣天婦羅外皮香脆，內裏肉汁豐富，好好味。炸菇菌麵好酥脆，不會乾。蕎麥冷麵好大碟，冰冰涼涼，爽口開胃，有淡淡的蕎麥香味。江戶前天丼，飯面鋪滿了各種天婦羅，穴子超長好好味，肉質緊緻油潤，香脆軟滑。炸流心蛋外皮微脆，蛋汁在嘴裏盪漾。花枝天婦羅好爽脆，花枝味濃厚。加13元就可享用鮮果飲品放題，無限添飲，真係幾抵。

半之助沙律充滿咗清新嘅感覺。沙律配料新鮮，特別係嗰啲脆脆嘅生菜。赤蝦刺身鮮紅嘅色澤同晶瑩剔透嘅質感，令人一見就流口水。入口後，鮮甜嘅蝦肉瞬間喺口中蕩漾，簡直爽。海老天押壽司酥脆嘅天婦羅蝦同醋飯嘅結合，口感對比又和諧，每一口都充滿幸福感，令人忍唔住要食多啖。迷你天丼雖然呢道迷你天丼份量唔多，但卻充滿咗驚喜！香脆嘅天婦羅同醇厚嘅醬汁完美融合，米飯吸收咗所有美味，真係令人陶醉。北海道產蕎麥麵（冷）北海道嘅清新由蕎麥麵滑順去體現，搭配清淡嘅醬汁，消暑又令人神清氣爽。迷你天丼（牡蠣）呢道迷你天丼以牡蠣為主角，鮮美嘅牡蠣包裹喺酥脆嘅外皮入面，輕輕咬下去，鮮汁四溢，真係驚艷。鮮果飲品放題3款嘅果汁搭配，既解渴又為用餐增添一抹清新。特別係嗰啲時令水果，令整個用餐體驗更加完美。

今日同好友專登來荃灣廣場一田買野，當然要搵啲特別嘅嘢嚟食。 我同兄弟都喜歡食炸物，醒起B1開咗間專門做 #天婦羅 🍤嘅餐廳 #金子半之助，當然要去幫襯吓啦。❇️半之助沙律 $48.00基本有沙律菜同車厘茄，更附有三隻天婦羅海蝦，配埋沙律汁，配搭好fresh。❇️帆立貝魷魚天婦纙餅 $28.00炸得卜卜脆又香又唔油。❇️海老天押壽司 $88.00呈麻將般大小嘅壽司，放上酥脆天婦羅海老，味道醋香，與大眾王不同，更有一番風味。❇️迷你天丼（牡蠣）& 雞肉丸稻庭烏冬（溫） $138.00包括天婦羅菇菌、海老、香口南瓜、海苔、飽滿溫泉蛋。牡蠣酥香十足，外皮色澤較淺，沒有油膩感，炸粉亦不重！而烏冬爽滑彈牙。好鍾意佢隻溫泉蛋，一夾開啲蛋汁流晒出黎 ，撈埋一齊食更是一流！仲有埋一盒配料可以任意配搭，例如係柴魚片，海帶，蔥花，天婦羅脆脆。

這間以天丼馳名嘅日本過江龍天婦羅丼專門店, 荃灣分店位於荃灣廣場, 木系裝修, 感覺悠閒舒適。海老天押壽司 88賣相精緻, 蝦肉炸得金黃酥脆, 配以紫蘇葉, 口感清爽, 壽司飯粒鬆軟, 香口順滑。迷你天丼&蕎麥麵/烏冬迷你天丼（牡蠣）天丼配料好豐富, 天婦羅鋪滿飯面, 牡蠣天婦羅脆香炸漿包著厚肉鮮甜嘅蠔肉, 海苔和菇菌天婦羅同樣爽脆可口, 香飯配以爆漿流心蛋, 口感好豐富。稻庭烏冬（溫）先在配料木盒揀了木魚片, 昆布和蔥粒等, 配以鮮香雞蛋, 放入熱暖又彈牙嘅稻庭烏冬, 幼滑香口, 味道好有層次感。半之助沙律 炸蝦大隻又爽脆, 沙律菜好新鮮, 清新醒胃。帆立貝魷魚天婦羅餅 天婦羅餅酥脆炸漿包著爽口嘅帆立貝和魷魚, 不肥不膩, 滋味可口。