Video
Read full review
2022-09-26
2142 views
呢排真喺成日過嚟「黃金」，早排壞電腦已搞咗我個幾星期，今次就落嚟買打印機墨盒，順便就幾個老友食飯。兩支公，最好就喺茶記啦，平靚正，無拘束。至於茶記，深水埗真喺多的是，最後揀咗位處「汝州街」嘅「澳葡牛奶餐室」，主要喺想食埋雙皮奶。 餐廳環境一字長形，一眼睇晒，裝修簡單企理，帶點時尚感，最盡頭牆上鑲咗大大個餐廳名字及嘜頭，都幾搶眼架。而左邊喺啲4人枱，右邊則有啲6人嘅高腳枱櫈。 枱面只放咗少少調味料，以及各樣餐具，如需要熱水洗吓餐具，需主動提出。 呢度以「餐室」為名，初時都諗住跟一般茶記差唔多，但翻一翻餐牌，食物方面就無本土啲茶記咁多樣化，真喺主力少少晌啲澳門菜、葡國菜着墨。 咖哩牛坑腩飯 $56老友鍾情咖喱，所以，選上呢一款牛坑腩飯，飯面加粒車厘茄，放少少菜苗，幾靚仔。一睇就知飯量多，而且，咖喱汁亦多，撈飯就一流啦，小弟都偷咗粒牛坑腩試試，炆得夠軟腍，但咬落有嚼勁，帶少少肥膏，有點脂香，而咖喱辣度溫和。 經典忌廉鮮奶 + $12 呢款絕對喺港式經典啦，依家都好少餐廳有做，小弟對此興趣不大，但老友點嚟就話懷舊一番。兩者溝出嚟，有忌廉味，又有奶香，雖講唔到有咩驚喜，但佢就話喺飲出一份兒時情
餐廳環境一字長形，一眼睇晒，裝修簡單企理，帶點時尚感，最盡頭牆上鑲咗大大個餐廳名字及嘜頭，都幾搶眼架。而左邊喺啲4人枱，右邊則有啲6人嘅高腳枱櫈。
枱面只放咗少少調味料，以及各樣餐具，如需要熱水洗吓餐具，需主動提出。
呢度以「餐室」為名，初時都諗住跟一般茶記差唔多，但翻一翻餐牌，食物方面就無本土啲茶記咁多樣化，真喺主力少少晌啲澳門菜、葡國菜着墨。
咖哩牛坑腩飯 $56老友鍾情咖喱，所以，選上呢一款牛坑腩飯，飯面加粒車厘茄，放少少菜苗，幾靚仔。一睇就知飯量多，而且，咖喱汁亦多，撈飯就一流啦，小弟都偷咗粒牛坑腩試試，炆得夠軟腍，但咬落有嚼勁，帶少少肥膏，有點脂香，而咖喱辣度溫和。
經典忌廉鮮奶 + $12 呢款絕對喺港式經典啦，依家都好少餐廳有做，小弟對此興趣不大，但老友點嚟就話懷舊一番。兩者溝出嚟，有忌廉味，又有奶香，雖講唔到有咩驚喜，但佢就話喺飲出一份兒時情懷。
葡汁牛脷焗飯 $66 小弟一向都幾鍾意食牛脷，喜歡佢嗰種獨特嘅羶香，加上焗飯亦喺心水，所以，就點咗呢一客牛脷焗飯。飯面除有三色椒，仲鋪咗滿滿嘅芝士，焗得一片金黃好睇。牛脷都喺厚切，有唔少片，柔韌羶香，雖然，唔喺炒飯式，但都混有唔少蛋絲，搭出帶微甜嘅葡汁，都好唔錯，再者，飯內仲有唔少薯仔同甘筍，兩者都有處理過先放在焗飯內。
宇治金時鮮奶 +$12間唔時都會飲吓紅豆冰，呢個絕對喺升級版，因為唔喺只得紅豆加奶水，而喺用上鮮牛奶，再加入抹茶，不過，個人略嫌抹茶加得較少，做出嚟嘅層次未夠分明，見有啲人上載嘅相片好靚，另一方面抹茶味未夠突出；不過，啲鮮奶就真喺好鮮好滑，紅豆又夠綿，味道清甜。
宇治金時鮮奶
52 views
0 likes
0 comments
正宗雙皮奶 $26老友情有獨鍾雙皮奶，佢就話啲雙皮奶口感柔滑，入口喺一股濃郁嘅牛奶香湧出嚟，甜度又啱啱好，唔會太甜。
薑汁撞奶 $28至於小弟就想試試薑汁撞奶，睇樣跟雙皮奶無咩分別，只喺面面多咗啲薑蓉，然而，入口除咗柔滑，一陣陣嘅薑汁慢慢滲出嚟，的而且確，陣奶味超香濃，相信熱食更能暖入心窩。
雖然，比起一般茶記，「澳葡」喺選擇少啲，但出品質素唔錯，加上有雙皮奶、撞奶食，喺加分位嚟，不失「牛奶」餐室之名呢！
Post
