滋味堡 (Closed)

運動完畢，又同波友食下午茶，對方提議去滋味堡吃街頭小食，絕對同意。由我發板，先來碟馬拉盞撈麵配牛腩，要粗麵。麵底幾爽口，混埋炒香了的馬拉盞同埋濃濃的豉油，是香口又入味。牛腩如果可以炆得再鬆化一點就更好，不過已經唔錯了。追加一個豬扒包，只是塗了蒜茸、加塊偏韌既豬扒的麵包，未見香脆，平平無奇。飲品有忌廉溝鮮奶，都好耐冇見，不過我只是飲了杯咸檸七，我幾喜歡。