粉制良品

Open Now

Now Closed

麻辣豬肚筲箕河粉 $36牛腩豉油皇撈麵 $36麻辣豬肚筲箕河粉 ，第一啖食落口已經俾香濃既麻辣油揮發哂成個口腔，豬肚爽口彈牙，仲要係好新鮮，唔係雪藏豬肚！河粉煮得好適中，再用麻辣醬同豬肚撈一撈，真係香滑麻辣爽口👍仲有隻溏心蛋，蛋黃汁好鮮味香濃，配呢麻辣汁真係絕配！講到牛腩豉油皇撈麵 ，呢樣真係讚不絕口👍肉質軟綿的牛腩，配上香濃豉油皇再撈上爽口煙韌的生麵，真係食到停唔到口呢～火鴨絲碗仔翅 $29幾𠎀身吓，好足料，勁多鴨絲同爽口嘅木耳絲，口感豐富，加上香味甚濃嘅麻油響面，誠意十足！