打邊爐

Open Now

Now Closed

依間打邊爐，食物高質，又唔算話好貴，環境都算OK舒適，唯一要留意嘅地方係要book枱，或者早少少到，平日都座無虛席㗎👍🏼👍🏼湯底： 椰子沙白蟹鍋非常正！ 沙白夠肥美，有十幾隻。隻蟹已經斬開咗幾件，蟹嘅鮮甜都充分落咗去湯嗰度，除咗直接食隻蟹之外，啲湯都好有海鮮味👍🏼👍🏼👍🏼仲有好多粟米，超級甜👍🏼👍🏼👍🏼鍾意椰子湯嘅，一定要試。呢個風沙椒鹽粟米，好有驚喜，除咗粟米本身嘅甜味之外，個風沙椒鹽好惹味，脆卜卜咁👍🏼👍🏼加埋個湯底咁多粟米，不知不覺今餐好多粟米😆😆火鍋配料方面，佢哋嘅質素都算係好出色。手打四寶丸，其中蝦丸同墨魚丸係非常彈牙！牛丸亦都食得出係手打感覺，爽口😁😁 朋友鍾意食餃子，我哋就點左黑松露蟹肉餃，個餃好滑，黑松露同蟹肉味道都幾夾，唔錯。手切霜降安格斯肥牛牛肉超正！牛味香濃，肉質軟滑，肥瘦適中，兩個人嗌細份，份量都好夠。另外，廣島蠔都幾靚，估唔到咁肥美👍🏼👍🏼仲有值得一讚嘅係，我哋係咁食蟹同粟米，店員會主動幫你換碟，服務相當唔錯。整體來講，我哋一致認為餐廳食材用了出色，有質素，而店員又好，令人食得夠享受😎