滾得棧

Open Now

Now Closed

有時約friend出黎食個飯，真係難過登天嫁，難得齊人，緊係要搵間好食、坐得夠舒服、傾計又傾得耐嘅餐廳啦。打邊爐真係最適合喇。今日又有高質邊爐推介俾大家，今次就黎到天后。-喱度嘅湯底選擇非常之多，有超過十幾款特色之選，例如係招牌蕃茄蟹湯、潮州湯底、花膠響螺雞湯、藥材醉雞湯等等。朋友同我今日都好想食蕃茄湯，所以就叫左個蕃茄薯仔湯底。-蕃茄湯味道都算幾濃，配埋入面大量嘅新鮮材料，感覺都幾豐富嫁。-細鱗刺身-刺身感覺好新鮮，魚肉食落有甜味，咬落去口感唔錯，食完啲肉仲可以放啲骨同埋魚頭落去煲湯，真係一舉兩得啊-手切牛頸脊-打邊爐當然唔少得要叫返一份好味嘅牛肉啦，見到呢度有得叫手切嘅牛頸脊，即刻就叫左份黎試一試。牛肉嘅脂肪分布好平均，肉味好濃郁，輕輕碌兩下，就已經好好味。-醉雞件-醉雞件份量都幾多架喎，雞肉食得出都幾新鮮，而且好嫩滑，花雕味都幾入味架，都係一個唔錯嘅選擇。