有囍 (Closed)

今晚行完花園街睇完花，又到晚飯時間在附近睇吓有乜好食先，經過見到有間店門口介紹羊腩煲，噤啱今日天氣凍凍地就去叫返煲試吓先入到去地方幾大，坐得幾舒服即刻睇吓有乜食，有好多唔同既小菜，蒸、炒、煮、炸，樣樣有，唔喜歡小菜，可以叫火鍋，唔啱還有粥、粉、麵、飯，真係好多選擇，臨近新春還推出新春全包宴和六人套餐今次見得兩個人，我哋主力食羊腩煲，本來想叫個煲再散叫其他小菜，噤啱有個兩人套餐係羊腩煲，裏面既嘢又幾啱食，唔想太多就叫左呢個餐古法黑草羊腩煲，份量幾多幾大煲配料俾其他地方多，有羊腩、冬菇、薑片、蒽、馬蹄、支竹和竹筍，滾起幾香，羊腩啖啖肉好腍好肥美甘香支竹和冬菇索晒汁好好味，馬蹄好大粒好爽，竹筍入口嫩滑美味，羊腩煲好入味，唔使點腐乳醬已好好味，點左更惹味蒜蓉開邊蒸海蝦，好香蒜蓉味，海蝦大細適中，爽囗彈牙，味道鮮甜臘味生炒糯米飯，糯米飯煙煙靱靱，入囗好香臘味和蝦米味最後甜品，原來係紫心蕃薯糖水，需然賣相普通，但蕃薯入囗好粉，糖水幾甜，剛好解返食完羊腩煲既咸味，另到囗腔好舒服唔囗乾呢個兩人套餐真係好底食，食到好飽都係$450，下次去開旺角可再試其他嘢。