Master Kama (Closed)

龍蝦包~近期大熱既美食之一，無論係日本同香港龍蝦都係大熱。今日去咗位處銅鑼灣鬧市既龍蝦.石鍋專家<Master Kama>食晚飯。上到去，環境比人一種好舒服，好和諧ge感覺，幾有海鮮餐廳既feel。餐廳俾人一種航海嘅感覺用咗格仔來做牆壁，影相亦都係一流。店員會話俾我哋知點樣嘅食法，服務態度不錯。亦都會有沙發位同埋小枕頭，令人覺得好舒服同放鬆。與朋友2人叫了一個 龍蝦匯KAMA SIGNATURE LOBSTER SET 同一杯SNOW QUEEN。KAMA SIGNATURE LOBSTER SET.主要包括龍蝦包(旁邊配薯條,沙律)+半只焗蒜蓉龍蝦+龍蝦什錦海鮮石鍋湯烏冬/飯.價錢大約＄428 ，鋪餐來講包含咗沙律，包，飯同龍蝦咁多唔同嘅玩法都幾抵食。我地選咗龍蝦什錦海鮮石鍋飯,石鍋飯非常豐富,大大只龍蝦伏系石鍋旁邊,仲有d青口等海鮮,湯呈橙紅色,一睇就知非常濃味.雖然只係龍蝦頭喺旁邊做擺設，但係全個飯都充滿着香濃嘅龍蝦味。飯入口口感似食意大利飯,湯汁海鮮味濃郁,米飯軟糯有咬口,有龍蝦味。果然冇揀錯，出邊食意大利飯價錢都唔平，呢度有埋龍蝦汁，整成嘅拌飯，非常之有水準。