La Postre (荃灣廣場) (Closed)

荃灣廣場近年都轉換左唔少食肆，各款飲食都有，連主打西班牙菜嘅La Postre 最近都在此開分店，今晚專程光顧。店舖地方都幾大，光線充足。芝士蟹餅熱鍋上桌，六隻蟹鉗整齊排列，金黃色芝士蛋面，賣相吸引，食落蛋香芝味，混雜蟹肉和磨菇，口感豐富。西班牙豬手即叫即烤，製作需時，熱辣辣香脆豬手皮和腍滑豬手肉份量十足，還配有酸甜兼少辣嘅雜菜，醒胃而不油膩，等候亦覺值得。甜品雜果窩夫賣相唔錯，窩夫砌成花形，上鋪雜果和雲呢嗱雪糕，再加蜜糖，清甜不覺腻。焦糖咖啡香滑不太甜，濃而不膩好合適。