胡爐 (Closed)

同閨蜜食飯，佢地又介紹咗個好地方，係間樓上火鍋店！三個女仔都鍾意豬肚湯，仲要有花膠雞，梗係齊齊舉手！雞肉本身已差不多熟，大件又啖啖肉，有點驚喜！花膠份量亦不少，滿足口慾之餘可以補一補！豬肚爽口，胡椒湯底有辛辣後勁，咩都未放之前飲返碗真係暖胃又滿足！點個日式和風蕃茄沙律做前菜，一圈圈薄片蕃茄排得靚靚，油醋同生蒜混合醬汁非常開胃！打邊爐點可以無牛肉，點了每枱都有嘅胡爐牛拼盤~第一次食牛胸爽，原來係稀有部位，食落有點爽脆同有好重嘅牛油香!好特別!極上手切牛頸脊淥一淥入口已經好軟滑，牛肉味濃~霜降牛粒帶有脂肪，軟淋帶點油脂香~招牌特色丸類拼盤之中最特別係梅菜豬肉丸，呢個配撘係第一次食,香口又JUICY，味道夠BALANCE。另外嘅手打墨丸、黑松露墨丸同芝心蝦丸一樣彈牙又好味~仲有招牌特色餃類拼盤，個人偏愛手工雲吞同韭菜餃，雲吞咬開有幾隻大蝦肉，韭菜餃就入口香濃又夠爽，松露豚肉餃同香茜豚肉餃各有特色，款款都係皮薄餡靚~呢度座位類似梅花間竹型式，令每枱食客都可以有較私人嘅空間傾計，確實唔錯~