Video
Read full review
2022-06-24
28 views
女人街附近有好多唔同類型嘅餐廳，今次就去咗呢間佈置得幾有韓國街頭風嘅韓國餐廳。.🍖 牛肋骨湯+白飯 $88牛肋骨湯熬到乳白色非常濃郁，味道清甜唔會有味精嘅感覺。牛肋骨肉都軟腍入味，除咗牛肋骨仲有其他配料同韓國粉絲，十分足料，送白飯一流。.🥩 鹽燒牛仔骨 $98/1塊牛仔骨肉質鮮嫩，鹽燒更突出到牛味，用熱爐上可以keep住溫度慢慢歎，唔會凍咗影響口感同油香。用生菜包住再加入生蒜、泡菜、洋蔥等配料一齊食，食落更fresh！.🍢 串燒✧ 雞中翼 $18/2隻✧ 雞腎 $16✧ 鴨舌 $38✧ 牛舌 $48✧ 多春魚 $18/3條整體質素都唔錯，調味唔會太重，可以再蘸蜜糖芥辣、韓式醬油、辣醬等。抵讚係一樣有個爐keep warm，比較鍾意雞腎、牛舌，肉質彈牙爽口。.🦪 韓川燒巨蠔 $68(買一送一)一上枱就聞到好香蒜蓉味，隻蠔差唔多有手掌咁大，蠔肉爽滑juicy，肉厚鮮味，配上蒜蓉更惹味。. 🍆 蒜蓉燒茄子 $58一上枱一樣好香蒜蓉味，茄子燒得啱啱好，皮脆肉軟又唔會太腍，勁多蒜蓉好入味。.🍑 韓國米酒白香桃味 $100試咗呢款米酒，酒精只有3.5%，濃度唔高又有清甜桃味，好易入口，用埋韓國黃銅
.
🍖 牛肋骨湯+白飯 $88
牛肋骨湯熬到乳白色非常濃郁，味道清甜唔會有味精嘅感覺。牛肋骨肉都軟腍入味，除咗牛肋骨仲有其他配料同韓國粉絲，十分足料，送白飯一流。
.
🥩 鹽燒牛仔骨 $98/1塊
牛仔骨肉質鮮嫩，鹽燒更突出到牛味，用熱爐上可以keep住溫度慢慢歎，唔會凍咗影響口感同油香。用生菜包住再加入生蒜、泡菜、洋蔥等配料一齊食，食落更fresh！
.
🍢 串燒
✧ 雞中翼 $18/2隻
✧ 雞腎 $16
✧ 鴨舌 $38
✧ 牛舌 $48
✧ 多春魚 $18/3條
整體質素都唔錯，調味唔會太重，可以再蘸蜜糖芥辣、韓式醬油、辣醬等。抵讚係一樣有個爐keep warm，比較鍾意雞腎、牛舌，肉質彈牙爽口。
.
🦪 韓川燒巨蠔 $68(買一送一)
一上枱就聞到好香蒜蓉味，隻蠔差唔多有手掌咁大，蠔肉爽滑juicy，肉厚鮮味，配上蒜蓉更惹味。
.
🍆 蒜蓉燒茄子 $58
一上枱一樣好香蒜蓉味，茄子燒得啱啱好，皮脆肉軟又唔會
太腍，勁多蒜蓉好入味。.
🍑 韓國米酒白香桃味 $100
試咗呢款米酒，酒精只有3.5%，濃度唔高又有清甜桃味，好易入口，用埋韓國黃銅水煲同酒杯飲，好有韓國feel (*´∇｀*)
.
🍺 韓國閃耀艾爾手工啤 $58
冰涼解渴，啱晒配燒肉。
.
總括而言：餐廳地方寬敞，用餐環境輕鬆，服務都好好。菜式選擇好多，主打石鍋、串燒、海鮮及韓式小食，價錢親民，好適合放工同朋友一齊食飯飲兩杯＼(￣▽￣)／
Post
