盛記酒家

Open Now

Now Closed

早前聽聞灣仔有間酒家不錯，今次就揀呢度提早做冬，酒家處於商廈之內，內裡是一般酒樓格局，有個養海鮮嘅大水族箱。茶壺、杯、碗、碟、筷子托等都印有錦鯉圖案，特別賞心悅目😍茶芥來了一碟好味嘅花生，酥腍中帶著淡淡八角香，好快就食個清光。聽聞這裡乳豬係即燒，就叫咗1/4隻😋乳豬外皮燒得鬆脆，🥰連隻碟都係熱辣辣上枱。隨燒乳豬有一籠餅皮，令人想起食北京填鴨，將餅皮夾住乳豬一齊食，脆卜卜，唔肥膩。😋就咁食，皮脆肉嫩，肉汁豐盈，味道剛好。叫個鮑魚雞煲應吓節，雞煲內有大量蒜子薑片，滋滋作響，香氣撲鼻。大約有4-5隻鮮鮑，口感軟彈，雞件嫩滑有雞味，濃濃醬汁，夠曬惹味。蔬菜揀咗雲耳百合炒藕片😋配菜有西芹、甘筍。小菜口感爽脆，味道清新。欖角冰梅骨排骨表層炸到酥脆，淋上欖角碎、冰糖、梅子煮嘅醬，外表晶瑩，味道吸引。內裡肉質鬆軟，欖角味香，和著冰糖的甜，梅子的微酸，確係色、香、味俱全。蒜片牛仔粒$98蒜片金黃惹味，牛仔粒有咬口肉味濃。食完仲有糖水送，紫米露香甜適中，正好在乾燥天氣中潤一潤。