MONMONO (Closed)

先試下佢地既超級龍蝦湯，龍蝦湯好濃，味道好甘香，仲真係有啲龍蝦肉，加佐忌廉，口感細膩，好滑身，口感同味道都好好！跟住就食沙律，泰式燒牛肉沙律，沙律有一片片既燒牛肉，牛肉幾有嚼勁，燒到岩岩熟，口感好好，沙律既方式配搭不同沙律菜，好清新！主食之一係烤虎蝦・龍蝦汁意大利飯，虎蝦真係唔同啲，夠晒大隻，蝦肉好彈牙，意大利飯就充滿龍蝦汁既香味，飯粒粒粒分明，稠稠地好正！另一主食係意式雜菜千層麵，千層麵每一塊既麵唔會太厚，有啲煙靭，質地幾好，醬汁亦都好濃，酸酸甜甜，雜菜做餡料，食落冇咁滯，加上滿滿嘅芝士，簡簡單單已經好香！